Նռնակով Կառավարության շենք մուտք գործելու փորձ կատարած տղամարդը կալանավորվել է
Հոկտեմբերի 27–ին երեկոյան ձեռքին նռնակով Կառավարության շենք մուտք գործելու փորձ կատարելու մեջ կասկածվող տղամարդուն մեղադրանք է առաջադրվել։ Այս մասին NEWS.am–ին ասաց ԱԱԾ մամուլի խոսնակ Սամսոն Գալստյանը։43–ամյա տղամարդուն մեղադրանք է առաջադրվել Քրեական օրենսգրքի 235–րդ հոդվածի 1–ին մասով (ապօրինի կերպով հրազեն, բացի ողորկափող հրազենից և դրա փամփուշտներից, ռազմամթերք, ակոսափող հրազենի փամփուշտներ, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը)։ Նա կալանավորվել է։
Ավելի վաղ հայտնել էինք, որ տղամարդը փորձել էր մուտք գործել Կառավարություն՝ ինքնապայթեցման նպատակով։
