Մարտի 1-ի գործով քննչական խմբի նախկին ղեկավար Վահագն Հարությունյանը կկալանավորվի
Մարտի 1-ի գործով քննչական խմբի նախկին ղեկավար, սույն գործով ապացույցներ կեղծելու համար որպես մեղադրյալ ներգրավված Վահագն Հարությունյանը կկալանավորվի:Տեղեկությունը մեր զրույցում հաստատեց նրա պաշտպան Միհրան Պողոսյանը:
Նման որոշում քիչ առաջ կայացրել է Երեւան քաղաքի ընդհանուր իրավասության դատարանը՝ դատավոր Աննա Դանիբեկյան, բավարարելով նախաքննական մարմնի միջնորդությունը:
Երեկ Վահագն Հարությունյանը հայտարարել է, որ իր նկատմամբ հայտարարված թե հետախուզումն է ապօրինի, թե՛ առաջադրված մեղադրանքն է ապօրինի եւ շինծու: ՀՔԾ-ն էլ պնդում է, որ բավարար ապացույցներ են եղել Հարությունյանին որպես մեղադրյալ ներգրավելու համար:
