Ընտրակեղծարար, թվեր նկարող, նկարիչ. ինչպես է արձագանքում Մուկուչյանը
«Այսօրվա իշխանությունը նախկինում Ձեզ անվանում էր ընտրակեղծարար, թվեր նկարող, նկարիչ, այս ամենը հաշվի առնելով, դժվար չէ՞ նրանց հետ ընտրությունների գնալ»,- ԱԺ-ում դիմելով ԿԸՀ նախագահ Տիգրան Մուկուչյանին, հարցրել են լրագրողները: «Նախկինում իմ տեսակետները հայտնելու բազմաթիվ առիթներ եմ ունեցել՝ կապված տարաբնույթ մեկնաբանումների հետ: Այս պահին, ինչպես և նախկինում, հանձնաժողովն օրենսգրքի պահանջներին լիակատար համապատասխան իրականացնում է գործընթացի կազմակերպումը... Ոչ, դա չի անդրադառնում ինձ վրա»,- ասել է Մուկուչյանը:Հիշեցնենք՝ 2013-ի մարտի 19-ին դիմելով ԿԸՀ նախագահ Տիգրան Մուկուչյանին, ԱԺ պատգամավոր Նիկոլ Փաշինյանը հայտարարել էր. «Մայիսին ընտրություններ են տեղի ունենալու և ես կարող եմ ասել, որ ձեր ղեկավարած համակարգը կեղծելու է այս ընտրությունները, որովհետև մեկ ամիս առաջ տեղի ունեցած ընտրությունները կեղծել է և կեղծել է նաև 2006-ի խորհրդարանական ընտրությունները: Ես դեկլարատիվ հայտարարություն չեմ անում, կեղծել եք անձամբ Դուք և անձամբ իմ ներկայությամբ»,- ասել էր Փաշինյանը:
