Նման բան անգամ «հին Հայաստանում» ամեն անգամ չէր պատահում. բողոքարկելու ենք դատախազություն. Իոաննիսյան
Հենց նոր ստացա Ոստիկանության Հրազդանի բաժնի հետաքննիչ Տիգրան Սիրունյանի որոշումը՝ «Անկախ դիտորդի» ներկայացուցիչներին խոչընդոտելու դեպքով քրեական գործի հարուցումը մերժելու մասին: Այս մասին Facebook-ի իր էջում գրել է «Անկախ դիտորդ» դաշինքի անդամ, «Իրազեկ քաղաքացիների միավորում» կազմակերպության ծրագրերի համակարգող Դանիել Իոաննիսյանը:«Մի խոսքով, հետաքննիչը, գործնականում հաստատելով խոչընդոտման փաստը, գտել է, որ հանցակազմ չկա՝ անգամ չփորձելով այդ մոտեցումը հիմնավորել որեւէ «վերլուծությամբ»:
Բողոքարկելու ենք դատախազություն: Նման բան անգամ «հին Հայաստանում» ամեն անգամ չէր պատահում»,-»,-գրել է Իոաննիսյանը՝ գրառումից հետո հավելելով. «Սասուն Միքայելյանի անվան ոստիկանության Հրազդանի բաժին»:
