Հարձակվել են Գորիսի քաղաքապետի վրա՞
Սյունիքի մարզի Խնձորեսկ խոշորացված համայնքում երեկ՝ նոյեմբերի 25-ին միջադեպ է տեղի ունեցել։ Նախնական տեղեկություններով՝ գյուղի համայնքապետարանում հարձակման փորձ է եղել Գորիսի քաղաքապետ Առուշ Առուշանյանի վրա։ Ոստիկանությունից հայտնել են, որ միջադեպի վերաբերյալ ոստիկանությունում տեղեկություններ են ստացվել, տեղեկությունը ճշտվում է, նախապատրաստվում են նյութեր։
Նշենք, որ ArmLur.am-ի տեղեկություններով, նոյեմբերի 25–ին ավագանու անդամ Լյովա Արզանյանը իր մտերիմներից ոմն Աշոտի հետ, ինչպես նաեւ այլ անձանց հետ մահակներով ներխուժել է Խնձորեսկի համայանքապետարանի շենք եւ փորձել հաշվեհարդար տեսնել քաղաքապետ Առուշանյանի հետ: Համայանքապետարանում սկսվել է իրարանցում: Իրավիճակը տեսնելով` միջամտել է համայնքի բնակիչներից Նվեր անունով անձնավորություն: Սակայն ըստ ներկաների` նրա գլխին հարվածել են եւ նա բավականին լուրջ վնասվածք է ստացել:
Ըստ համայնքում տարածված լուրերի «դուբինկաներով» համայանքապետարան ներխուժած անձիք ամբողոջությամբ ջարդ ու փշուր են արել այնտեղ առկա ողջ գույքը:
