Մեր կարևորագույն նպատակներից է լինելու գյուղի և գյուղացու բեռի թեթևացումը. Մանվել Ղազարյան
Արարատի մարզն ընդգրկող թիվ 5ընտրական տարածքում «Մենք» դաշինքից պատգամավորի թեկնածու է առաջադրվել ԱԺ նախկին պատգամավոր Մանվել Ղազարյանը, ում հետ զրուցեցինք դեկտեմբերի 9-ին կայանալիք արտահերթ խորհրդարանական ընտրությունների և ներքաղաքական անցուդարձի շուրջ:-Պարոն Ղազարյան, ինչո՞ւ որոշեցիք մասնակցել ԱԺ ընտրություններին և հատկապես «Մենք» դաշիքի կողմից ռեյտինգային կարգով առաջադրվել:
-Դեռևս 2008-2010 թվականներին ներքաղաքական անցուդարձի ֆոնին ինձ համար ամենաընդունված
քաղաքական գործիչներից են եղել Արամ Սարգսյանն ու Նիկոլ Փաշինյանը: 2017 թվականի խորհրդարանական
ընտրություններին ես ուրախությամբ ընդունեցի
այն փաստը, որ նրանք դաշինք կազմեցին, վաստակեցին ժողովրդի քվեն և անցան
խորհրդարան: Հետո եղավ այն ինչ եղավ, իսկ առաջիկա ընտրություններին որոշվեց, որ առանձին դաշինքով են մասնակցելու, որի հետ կապված ես Արամ Սարգսյանից առաջարկ
ստացա, որ ընդգրկվեմ կուսակցություն և վերադառնամ ակտիվ քաղաքական
դաշտ՝ իմ փորձն ու գիտելիքներն օգտագործելով մեր պետության կայացման գործին:
-Դուք վերջին շրջանում կարծեք թե
քաղաքականությունից հեռացել էիք, արդյո՞ք ժողովրդի մոտ չի նվազել Ձեր ընտրվելու շանսերը՝ հաշվի առնելով, որ համայնքներում միշտ ցանկանում են տեսնել ակտիվ գործիչին:
-Գիտեք, ես միշտ ժողովրդի հետ եմ
եղել՝ անկախ իմ կարգավիճակից, իսկ ներքաղաքական
զարգացումներին միշտ հետևել եմ և այնպես չէ, որ նախորդ իշխանություններից ես պաշտոնի առաջարկություններ չեմ ստացել, բայց սկզբունքորեն դեմ եմ եղել նախորդ վարչախմբի ռեժիմին
և հասկացել եմ, որ նրանց կողքին անելու բան
չունեմ: Ցավոք սրտի իմ քաղաքական կանխատեսումների մի մասը կատարվեց դեռևս 2008 թվականին, երբ ականատես եղա բռնություններին
և անմեղ զոհերին: Ես նման մթնոլորտում չէի կարող աշխատել, դրա համար հեռացա դաշտից: Իսկ երկրում իրավիճակի փոփոխությունը բերեց
նրան, որ ես որոշեցի 1995-96թթ կիսատ մնացած աշխատանքներին շարունակություն տալ՝ ներդնելով իմ գիտելիքները
և տարիների ձեռք բերած փորձառությունը մեր
պետության զարգացման գործին:
-Ի՞նչպես
կգնահատեք Ձեր և դաշինքի շանսերը՝ հաշվի առնելով
նաև թեկնածուների պատկառելի տարիքը՝ երիտասարդների քաղաքականացված ֆոնին:
-Մենք լուրջ
ներուժ ունենք, մեր անցած ճանապարը բոլորը գիտեն: Մեր ռեյտինգային թեկնածուները իրենց
փորձով, սկզբունքով և գիտելիքներով ապագա խորհրդարանում անելիք ունեն: Իսկ երիտասարդները
թեպետ ավյունով լի են, սակայն իմ որդուց սկսած, ով ունի գիտելիքների լավ բազա, պետք
է խորհրդարնում իրենց տեղը զիջեն ավագների փորձին և գիտելիքներին:
-Խորհրդանում, որո՞նք
են լինելու Ձեր սկզբունքային նպատակները:
-Դեռևս 1999 թվականից Վ. Սարգսյանի և Կ. Դեմիրճյանի պաշտոնավարման ժամանակներից խորհրդարանում հայտնվել
ենթադրում էր աշխատատաեղերի ստեղծում, ներդրումային
միջավայրի բարելավում: Մենք դեմ էինք նպաստների անարդյունավետ բաշխմանը, փոխարենն առաջարկում
էինք աշախատատեղեր ստեղծել, ես այդ ուղղությամբ նույնիսկ հարց բարձրացրեցի
խորհրդարանում, որպեսզի քաղաքական մոտեցումը
չփոխեն, սակայն ամեն բան կործանվեց: Առաջնային
եմ համարում՝ ներդրողների շրջանում հարկային քաղաքականության մեղմացումը: Կտրականապես
դեմ եմ հարկերի բեռի ավելացմանը, քանի-որ 2019թ-ին սպասվում է հարկերի բարձրացում՝ ԵՏՄ-ի շրջանակներում:
Բացի այդ, մեր կարևորագույն նպատակներից է լինելու գյուղի և գյուղացու բեռի թեթևացումը, այն է՝ ոռոգման ջրի անվճար կամ սիմվոլիկ գումարի վճարումը, որը կբավավարի այդ կազմակերպության աշխատողների աշխատավարձերի
վճարմանը, իսկ մնացածը պետությանը պետք է հոգա:
-Պարոն
Ղազարյան, որն է Ձեր կոչը և կարգախոսը ժողովրդին:
«ՄԵՆՔ ՎԵՐԱԴԱՌՆՈւՄ ԵՆՔ», որը երկար տարիներ պետության կողմից չնդունված է
եղել: Քանի-որ սպասվում է ազատ և թափանցիկ ընտրություններ ժողովուրդը ինքը կորոշի, թե ում իր ձայնը տա: Ես
ցանկանում եմ, որ ժողովուրդը իր թեկնածուն ընտրի իր խղճի, մտքի և պատկերացումների համաձայն:
