Ծրագրված ինքնասպանություն. մայրը, տատը եւ 8-ամյա երեխան նետվել են բազմահարկ շենքից
Ռուսաստանում ինքնասպանություն են գործել կինը, տատիկը եւ թոռնիկը։ Քննության վարկածով՝ ինքնասպանությունը նախապես ծրագրված է եղել։ Բազմահարկ շենքից նախ նետվել է 35-ամյա մայրը։ Mash տելեգրամ-ալիքի փոխանցմամբ՝ 8-ամյա աղջիկը չի ցանկացել նետվել, սակայն նրա ճակատագիրը որոշվել է այլ անձի կողմից եւ նրան հրել են, ինչից հետո ընկել է 55-ամյա տատիկը։ Բնակարանում մնացել է մանկահասակ երեխան։Ինքնասպանության նախապես ծրագրվածի մասին է վկայում այն, որ նրանց մոտ հայտնաբերվել են գրություններ՝ իրենց անուններով, թերեւս, որ ինքնությունն արագ պարզվի։ Սակայն նման քայլի գնալու որեւէ պատճառաբանություն գրություններում չի եղել։
Բացի այդ՝ 8-ամյա աղջկա մայրը նախօրեին ուսուցչուհուն ասել է, որ իրենց ընտանիքը չի մասնակցելու Նոր Տարվա տոնակատարություններին։
Նշվում է, որ ընտանիքը համարվում էր բարեկեցիկ ապրող։
