Արջը հոշոտել է պահողին
Ճապոնիայում հիմալայան արջը սպանել է պահողին, հաղորդում է Bangkok Post-ը:Միջադեպը տեղի է ունեցել Ճապոնիայի մայրաքաղաք Տոկիոյում՝ դեկտեմբերի 2-ին: Հարևանները լսել են ինչպես է 56-ամյա Սոիչիրո Մորիին աղեկտուր բղավել և օգնություն կանչել: Նրանք մտել են տուն, տեսել վիրավոր տղամարդուն արջի հետ վանդակի մեջ, բժիշկ և ոստիկաններ են կանչել: Արյունաքամ լինող Մորիին տեղափոխել են հիվանդանոց, սակայն բժիշկներին չի հաջողվել փրկել նրա կյանքը:
Ավելի ուշ ոստիկանությունը պարզել է, որ 1.3 մետր հասակով և 50 կգ քաշով 15-ամյա հիմալայան արջը պատկանում էր տան 70-ամյա սեփականատիրոջը: Նա վարձել էր Մորիին արջին խնամելու համար: Արջի տիրոջ անունը ոստիկանությունը չի նշել, սակայն ասվում է, որ նա արջին տանը պահելու օրինական թույլտվություն ուներ:
