Ամենաթեժը Արտաշատ քաղաքում է եղել
«Անկախ դիտորդ» նախաձեռնության անդամ Դանիել Իոաննիսյանը լրագրողներին ասել է, որ ժամը 15:00-ի դրությամբ թեժ է իրավիճակ է եղել Արարատի մարզի ընտրատեղամասերում: Ամենաթեժը Արտաշատ քաղաքում է եղել իրավիճակը: Մասնավորապես, ըստ Իոաննիսյանի, մի շարք ընտրատեղամասերում համատարած ոտնահարվում են քվեարկության գաղտնիությունը, կուտակումներ են:Հարցին, թե որքանո՞վ են լուրջ խախտումները, և նախորդ տարիների համեմատ իչ իրավիճակ է, նա պատասխանեց, որ եթե նախկինում խախտումները տեղամասերից դուրս էին, ապա այժմ տեղամասերում են:
«Տեղամասերից դուրս եղել են մի քանի դեպքեր, ահազանգեր են եղել ընտրակաշառքի մասին: Այդ ահազանգերը միանգամից փոխանցվել են ոստիկանությանը, և ոստիկանությունը փորձել է միջոցներ ձեռնարկել՝ բացահայտելու, որոշ դեպքերում կանխարգելիչ միջոցառումներ իրականացնելու: Այդ դեպքերը եղել են Երևանում: Մի քանի տեղ տեսել ենք, որ ընտրողներին տանում-բերում են, բայց միայն մի դեպք է եղել, որ տեսել ենք՝ միկրոավտոբուսով էին բերել: Անցած ընտրություններին մարդկանց համատարած բերում էին առավոտյան», ասաց Իոաննիսյանը:
