Էջմիածնում բախում է տեղի ունեցել կաթողիկոսի հրաժարականը պահանջողների և նրա աջակիցների միջև. տեսանյութ
Էջմիածնում բախում է տեղի ունեցել «Նոր Հայաստան, նոր հայրապետ» շարժման անդամների և Մայր Աթոռի մոտ հավաքվածների միջև։Նախաձեռնության անդամները Երևանից դեպի Էջմիածին ավտոերթ էին կազմակերպել: Էջմիածնում, երբ ակցիայի մասնակիցները փորձել են մտնել Մայր Աթոռի տարածք ակցիայի մասնակիցների և Մայր աթոռի մոտ հավաքված մարդկանց միջև հրմշտոց է տեղի ունեցել։ Հավաքվածները ձվեր են շպրտել ակցիայի մասնակիցների մեքենաների ուղղությամբ։
Բողոքի ակցիայի մասնակիցները սկսել են մեքենաներով հեռանալ, նրանք էլ վազել են մեքենաների հետևից: Ոստիկանները պատ են կազմել նրանց միջև՝ հորդորելով ձեռնպահ մնալ հրմշտոցից:
Նշենք, որ «Նոր Հայաստան, նոր հայրապետ» շարժման մասնակիցները դեռևս հունիս ամսից բողոքի ակցիաներ են անցկացնում Երևանում և Էջմիածնում՝ պահանջելով՝ կաթողիկոսի հրաժարականը։
