«Իմ քայլ»-անում է նույնը, ինչ ՀՀԿ-ն. Անդրիաս Ղուկասյան
ՀՀԿ-ն ձգտում էր ստեղծել այնպիսի իրավիճակ, որ գործադիր, օրենսդիր և դատական իշխանությունների բոլոր հարցերը ՀՀԿ-ի ներսում որոշվեր: Այս մասին այսօր՝ դեկտեմբերի 15-ին, մամուլի ասուլիսում ասաց Կառուցողական կուսակցության նախագահ Անդրիաս Ղուկասյանը:«Այդ կուսակցությունը ուներ որոշակի քվե խորհրդարանում և նախագահի պաշտոնն էր հսկում և ունենում էր այդ կարողությունը: Երկիրը ղեկավարելու տեսակետից, ցանկացած մենաշնորհ չարաշահումների մեծ դաշտ է ստեղծում: Դա հասկանում են և՛ աջերը, և՛ ձախերը, որոնք չեն հայտնվել խորհրդարանում:»,-ասաց նա:
Ղուկասյանի խոսքով՝ երկրում, որտեղ պաշտպանված չեն մարդկանց իրավունքները և չկա իշխանության բաժանում, չկա Սահմանադրություն:
Այսօր ունենք նույն իրավիճակը. «Իմ քայլը» դաշինքը, ըստ էության, իր կուսակցության ներսում կարող է որոշումներ կայացնել, որոնք պարտադիր կլինեն և գործադիր, և օրենսդիր իշխանությունների, նույնիսկ կարող է կուսակցության ներսում որոշումներով ձևավորել դատական իշխանություն»,-ասաց Անդրիաս Ղուկասյանը:
Անդրիաս Ղուկասյանը նշեց, որ հասարակությունը հիմա դա դրական է համարում, քանի որ այդկերպ հնարավոր եղավ հեռացնել ռեժիմին:
