Խուզարկել են միլիարդատեր Էդուարդո Էռնեկյանի տունը
Բուենոս Այրեսի ոստիկանությանը դատավորի որոշմամբ խուզարկել է արգենտինահայ խոշոր գործարար Էդուարդո Էռնեկյանի սեփական տունը և նրան պատկանող «Կորպորասիոն Ամերիկա» հոլդինգի մի շարք գրասենյակներ: Այս մասին վկայակոչելով արգենտինյան լրատվամիջոցները` տեղեկացնում է Դիեգո Կարամանուկյանը։Էռնեկյանը անցնում է մի մեծ դատական գործով, որը հետաքննում է, թե ինչպես մի շարք գործարարներ կաշառքներ են տվել իշխանավորներին տարբեր տնտեսական առավելություններ ստանալու համար:
86-ամյա Էռնեկյանը միլիարդատեր է, համարվում է Լատինական Ամերիկայի ամենահաջող գործարարներից մեկը: 2017-ին նրան շնորհվել է «Հայաստանի ազգային հերոս» բարձրագույն կոչումը։
