Դատախազությունը բողոքարկել է Արմեն Գևորգյանին չկալանավորելու՝ դատարանի որոշումը
Գլխավոր դատախազությունը Մարտի 1-ի գործով մեղադրյալ Արմեն Գևորգյանի նկատմամբ խափանման միջոց կալանավորումն ընտրելու նախաքննական մարմնի միջնորդությունը մերժելու դատարանի որոշման դեմ վերաքննիչ բողոք է ներկայացրել:Այս մասին ասել է ՀՀ գլխավոր դատախազի խորհրդական Գոռ Աբրահամյանը: Հիշեցնենք, որ ըստ դատարանի որոշման՝ Գևորգյանը չկալանավորվեց՝ այդպիսով մերժելով նախաքննական մարմնի միջնորդությունը՝ նրան երկու ամսով կալանավորելու վերաբերյալ: Երևան քաղաքի ընդհանուր իրավասության դատարանն այդ որոշումը կայացրել էր դեկտեմբերի 14-ին:
