Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ          Պարզվել է վանաձորցի 20-ամյա հղի կնոջ մահվան պատճառը       Օդի ջերմաստիճանը աստիճանաբար կբարձրանա 8-10 աստիճանով. եղանակն առաջիկա օրերին    

24 դեկ 2018 18:19

Տեսանյութ.Ընդդիմության դաշտում նոր կուսակցություն է ստեղծվում՝ «Ազգային օրակարգ»-ը, ովքե՞ր են հիմնադիրները

Տեսանյութ.Ընդդիմության դաշտում նոր կուսակցություն է ստեղծվում՝ «Ազգային օրակարգ»-ը, ովքե՞ր են հիմնադիրներըՀայացք մամուլի ակումբում «Ազգային օրակարգ» կուսակցության հիմնադիր հանձնախմբի անդամներ՝ Ավետիք Չալաբյանը, Արա Հակոբյանը և Իգոր Զարգարյանը հայտարարեցին քաղաքական նոր ուժի` «Ազգային օրակարգ» կուսակցության մեկնարկի մասին, ներկայացրեցին կուսակցության ազգային պետություն և կենսունակ հասարակություն կառուցելու տեսլականը, առաքելությունը և գործունեության հիմնարար սկզբունքները:
 
Ազգային օրակարգ» կուսակցության հանձնախմբի հիմնադիրները հայտարաեցին, որ քաղաքական դաշտի առողջացման հայտ են ներկայացնում՝ ստեղծելով նոր քաղաքական մշակույթ: 
 
Արա Հակոբյանն իր խոսքում նշեց. «Մեր քաղաքական ուժն իր գաղափարախոսությամբ ազգային-առաջադիմական է: Գիտակցելով պահի կարևորությունը և առկա փոփոխություններով պայմանավորված հնարավորությունները՝ առիթ կա քաղաքական դաշտ ձևավորել, որը նախկինում խիստ սահմանափակ էր»:
Անդրադառնալով դեկտեմբերի իննին կայացած ընտրությունների արդյունքներին՝ Արա Հակոբյանն ասաց. «Ժողովուրդն արեց իր ընտրությունը: Կուզենայինք, որ քաղաքական ուժերի ավելի մեծ բազմազանություն լիներ, մինչդեռ ԱԺ-ն միաբևեռ է: Այնուամենայնիվ, ընդունում ենք ժողովրդի ընտրությունը: Իսկ թե ինչպիսի ընդդիմություն կլինի խորհրդարանում, ապագայում կտեսնենք: Հույս ունենք, որ առաջիկայում նոր կառավարությունը կզբաղվի Ընտրական օրենսգրքի փոփոխություններով, ինչն էլ կարևոր է, որպեսզի մյուս կուսակցությունները ևս կարողանան լավ դիրքավորվել»: 
 
Ավետիք Չալաբյանն էլ նշեց, որ  կուսակցություն ստեղծելու իրենց քաղաքական հայտը հիմնված է արած գործերի և հաջողությունների վրա:
Անդրադառնալով կառավարության գործունեությանը Ավետիք Չալաբյանն ասաց, որ անվտանգության բնագավառում արդյունքն հիասթափեցնող է. «Չափից դուրս շատ են կենտրոնացած եղել ներքին խնդիրների վրա և բացթողումներ են թույլ տվել, օրինակ՝ Նախիջևանի հատվածում հակառակորդն օգտվել է առիթից և առաջ բերել դիրքերը: մեր բանակը սկսել է հակազդման գործողությունները, բայց քաղաքական կամք է պահանջվում, որպեսզի հակառակորդը հետ շպրտվի: Իսկ ՀԱՊԿ-ում զարգացումներն անմիջական կապ ունեն ՀՀ ներքին խնդիրների հետ: Հապճեպությունը բերեց նրան, որ ՀԱՊԿ-ում մեր գործընկերների հետ արհեստական խնդիրներ ենք ստեղծել: Դրանք կարող էին չլինել, եթե ավելի համբերատար և հետևողական լինեինք: Ռուսաստանի հետ ռազմատեխնիկական գործակցության մեծ օրակարգն էլ հետ է ընկել: Ճիշտ է այն չի ձախողվել, բայց զարգանում է ավելի դանդաղ, քան կուզենայինք: Այս տարում Ադրբեջանը ռազմատեխնիկական ավելի մեծ առաջընթաց է արձանագրել, քան մենք»: 
 
Ամբողջական ասուլիսը Hayacq.com-ի տեսանյութում

Մեկնաբանություններ


Համընկնող լուրեր