Երևանի գլխավոր տոնածառն ընդգրկվել է ԱՊՀ երկրների ամենաբարձր տոնածառերի եռյակում
Ռուսաստանի և ԱՊՀ երկրների զբոսաշրջային ոլորտներում ուսումնասիրություններ կատարող «ՏուրՍտատ» կենտրոնի մասնագետները կազմել են Անկախ պետությունների համագործակցության երկրների ամանորյա տոնածառերի առաջատար տասնյակը՝ ըստ բարձրության:Ինչպես փոխանցում է РИА Новости-ն, վերլուծական ընկերության տվյալներով՝ ԱՊՀ քաղաքների տասնյակը, որում ընդգրկվել են ամենաբարձր տոնածառը զարդարածները, գլխավորել է Աշխաբադը (38 մետր): Առաջատար եռյակում տեղ են գտել նաև Բաքուն և Երևանը (37-ական մետր)
Տոնածառերի բարձրությամբ առաջատար մայրաքաղաքներն են Տաշքենդը (35 մետր), Մինսկը (30 մետր), Դուշանբեն (28 մետր), Մոսկվան (27 մետր), Աստանան, Բիշկեկը և Թբիլիսին (25 մետր):
Մոսկվան, իր հերթին, գլխավորել է ԱՊՀ մայրաքաղաքների տասնյակը՝ ըստ բնական եղևնու բարձրության:
