Գիտնականները տոնածառի փշոտ տերևներով գումար վաստակելու միջոց են հայտնաբերել
Գիտնականները տոներից հետո տոնածառի փշոտ տերևներով գումար վաստակելու միջոց են գտել: Նախաձեռնությունը կատարվել է Մեծ Բրիտանիայի Շեֆիլդի համալսարանի աշխատակիցների կողմից։Սուրբ Ծնունդի և Ամանորի նախաշեմին տոնածառեր շատ տներում են դրված, ինչից հետո դրանք ամենից հաճախ ուղարկվում են աղբավայրեր: Շարունակական կազմալուծման ժամանակ նման ծառերը մեծ քանակությամբ ջերմոցային գազեր են արտանետում, ինչը վնասակար է շրջակա միջավայրի համար: Սակայն, նոր ուսումնասիրությունները ցույց են տալիս, որ տոնածառերի փշոտ տերևները կարելի է տարբեր կերպերով օգտագործել: Օրինակ, առաջարկում են դրանցից մաքրող միջոցներ, քացախ, ներկ պատրաստել, ավելացնել դրանք բերանը լվանալու միջոցների մեջ և այլն:
Այժմ հնարավոր չէ նման կերպ օգտագործել տոնածառերը դրանցում վտանգավոր լինգոցելյուլոզայի պարունակության պատճառով: Այնուամենայնիվ, գիտնականները հայտնաբերել են այս միացությունը մի քանի պարզ մասերի բաժանելու միջոց, որոնք հաջողությամբ օգտագործվում են ժամանակակից արդյունաբերության մեջ: Դա անելու համար բավական է օգտագործել գլիցերին: Աշխատանքի հեղինակները հույս ունեն, որ այս տեխնոլոգիան զգալիորեն կնվազեցնի ջերմոցային գազերի արտանետումները:
