Դատախազությունը վերացրել է ՔԿՀ-ի որոշումը եւ քրգործ հարուցել
Տեղեկություններ կան, որ դատախազությունը վերացրել է կին կալանավորի կողմից ինքնասպանության փորձ կատարելու դեպքի առթիվ քրգործի հարուցումը մերժելու մասին որոշումը։2018թ. հոկտեմբերի 10-ին «Աբովյան» ՔԿՀ կալանավորվածներին պահելու վայրի թիվ 18 խցում պահվող, կալանավորված Ինգա Հակոբյանը մկնդեղ էր խմել, ինչի կապակցությամբ նյութեր են նախապատրաստվել ՀՀ ԱՆ «Աբովյան» ՔԿՀ-ում եւ 2018թ. նոյեմբերի 8-ին որոշում կայացրել քր.գործի հարուցումը մերժելու մասին:Տեղեկացանք, որ Կոտայքի մարզի դատախազության դատախազը վերացրել է նախապատրաստված նյութերով քր.գործի հարուցումը մերժելու մասին որոշումը և քրեական գործ հարուցել ՀՀ քրեական օրենսգրքի 110-րդ հոդ. 1-ին մասի հատկանիշներով։
Նախաքննության կատարումը հանձնարարվել է ՀՀ ՔԿ Աբովյանի քննչական բաժնին:
Թե ինչպես է կալանավորի մոտ հայտնվել մկնդեղ եւ որն է եղել նման քայլի գնալու պատճառը, թերեւս պարզ կլինի նախաքննությամբ։
