Տեսանյութ.Ցուցարարների և Մանվել Գրիգորյանի պաշտպանի միջև ընդհարում տեղի ունեցավ
Ազգային ժողովի նախկին պատգամավոր Մանվել Գրիգորյանին գրավի դիմաց ազատ արձակելու որոշմանը դեմ հանդես եկող քաղաքացիները քիչ առաջ մոտեցան Մանվել Գրիգորյանի պաշտպան Արսեն Մկրտչյանին և հարցրին, թե ինչո՞ւ է նա լրագրողների հետ զրույցում իրենց հասցեին վիրավորական արտահայտություն հնչեցրել: Ի պատասխան՝ Արսեն Մկրտչյանը հորդորեց ուշադիր լսել ձայնագրությունը և փորձեց հեռանալ:Ցուցարարները նրա հետևից սկսեցին բղավել ու վիրավորական խոսքեր ասել:
«Իմ Facebook-ի էջում անդրադարձել եմ կոչեր անողների այս տիպին: Գրավոր հակադարձած է այս ամենին, դրա համար հիմա չեն հակադարձում»,-ասաց Մկրտչյանը:
Լրագրողները մեջբերեցին այն գնահատականները, թե ցուցարարներն ուղղորդված են:
«Մենք ուղղորդված ենք միայն մեր խղճի կողմից»,-ասաց ցուցարարներից մեկը:
