Դատավորները խուսափում են Քոչարյանի գործը քննելուց. Հայկ Ալումյան. Տեսանյութ

«Դատավորները բոլորովին ցանկություն չունեն այս գործը քննել ու, ամեն հնարավոր տարբերակ գտնում են այս գործի քննությունից խուսափելու համար»,– ասաց Ալումյանը՝  անդրադառնալով այն փաստին, որ Քոչարյանի կալանքը գրավով փոխարինելու վերաբերյալ միջնորդության քննարկումը մակագրվել էր դատավոր Դավիթ Գրիգորյանին, սակայն նա ինքնաբացարկ էր հայտնել։
Փաստաբանն այստեղ միտում է տեսնում։ Նրա խոսքով՝ պատճառը գործով դատավորների նկատմամբ կիրառվող հսկայական ճնշումն է. «Դատավորը մի կողմից տեսնում է, որ պետք է որոշում կայացնի հօգուտ Ռոբերտ Քոչարյանի, մյուս կողմից ինքն հասկանում է, թե ինչ տեղի կունենա, եթե որոշում կայացնի հօգուտ Ռոբերտ Քոչարյանի։ Այս դիլեման է, որ դատավորներին ստիպում է այս գործից խուսափել, ես այդպես եմ գնահատում իրավիճակը»։