Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

16 հուն 2019 13:05

ՌԴ քաղաքացի հայերը պետք է խուսափեն Ադրբեջան մեկնելուց.ՌԴ-ն որևէ լուրջ քայլ չի ձեռնարկի..ռուս փոորձագետ

ՌԴ քաղաքացի հայերը պետք է խուսափեն Ադրբեջան մեկնելուց.ՌԴ-ն որևէ լուրջ քայլ չի ձեռնարկի..ռուս փոորձագետՌուս փորձագետ, ԱՊՀ երկրների ինստիտուտի տնօրենի տեղակալ Վլադիմիր Եվսեևը «РУСАРМИНФО»-ին տված հարցազրույցում խոսել է Ռուսաստանի Դաշնության քաղաքացի հանդիսացող հայերի՝ Ադրբեջան մուտքի հետ կապված խնդիրների մասին: 

Նրա կարծիքով՝ Բաքուն պաշտոնական մակարդակով չի արգելի հայկական ծագում ունեցող ՌԴ քաղաքացիներին մուտք գործել երկրի տարածք, սակայն գործնականում այդ արգելքը կշարունակի կիրառվել: Փորձագետը խորհուրդ է տվել ՌԴ քաղաքացի հայերին հնարավորինս խուսափել Ադրբեջան մեկնելուց՝ տարատեսակ սադրանքներից զերծ մնալու համար:
Եվսեևը նշել է, որ Ադրբեջանի գործողություններին ի պատասխան ՌԴ-ն, ամենայն հավանականությամբ, որևէ լուրջ քայլ չի ձեռնարկի:
«Դա չի նշանակում, որ Ռուսաստանը վախենում է որևէ մեկից, Ռուսաստանը ոչ ոքից չի վախենում: Ռուսաստանի տարածքում կան հսկայական քանակությամբ ներգաղթյալներ Ադրբեջանից, և ցանկացած տեսակի արգելքի սահմանումը կարող է ներքաղաքական լուրջ խնդիրների հանգեցնել Ադրբեջանում, Ռուսաստանը դրան չի գնա: Ռուսաստանը չի ցանկանում իր սահմաններին մոտ գտնվող որևէ երկրի ապակայունացում», - ասել է ռուս փորձագետը:
Եվսեևը նաև շեշտել է, որ նման իրավիճակում հայտնված ՌԴ քաղաքացի հայերը կարող են դիմել մարդու իրավունքների դատարան, բացի այդ, նրանք կարող են դատարան դիմել նաև Ռուսաստանի տարածքում: 
Հիշեցնենք, որ հունվարի 11-ի ճեպազրույցի ժամանակ ՌԴ ԱԳՆ պաշտոնական ներկայացուցիչ Մարիա Զախարովան ասել էր, որ Մոսկվան լիահույս է, որ Բաքուն կհրաժարվի էթնիկ պատկանելիության հիմքով ՌԴ քաղաքացիների, մասնավորապես՝ ազգությամբ հայերի նկատմամբ վարվող խտրական քաղաքականությունից և չի խոչընդոտի նրանց մուտքն Ադրբեջան:
ՌԴ ԱԳՆ մամուլի խոսնակը նկատել էր, որ նման դեպքերը, ցավոք, վատ ու սխալ ավանդույթ են դառնում: Նա ընդգծել է, որ նման դեպքերը ՌԴ քաղաքացիների իրավունքի կոպիտ խախտում են, հակասում են ռուս-ադրբեջանական հարաբերությունների ոգուն:
Զախարովայի խոսքով՝ ռուսական կողմն ադրբեջանական իշխանությունների ուշադրությունը բազմիցս հրավիրել է ստեղծված իրավիճակի անընդունելիության վրա, պահանջել է դադարեցնել տվյալ պրակտիկան, քանի որ այն համատեղելի չէ երկու երկրների միջև բարեկամական հարաբերությունների հետ:
Ավելի ուշ Ադրբեջանի արտգործնախարարության մամուլի ծառայության ղեկավար Լեյլա Աբդուլաևան, մեկնաբանելով Մարիա Զախարովայի՝ ազգությամբ հայ ՌԴ քաղաքացիների մուտքը երկիր արգելելու մասին հայտարարությունը, այն սադրիչ ու հակաադրբեջանական էր որակել:

Մեկնաբանություններ


Համընկնող լուրեր