Թբիլիսիում ծեծել և կողոպտել են պատերազմի 93-ամյա վետերան Սերգո Միրզոյանին
Թբիլիսիում անհայտ անձինք ծեծել և կողոպտել են Հայրենական մեծ պատերազմի 93-ամյա վետերան Սերգո Միրզոյանին:Ինչպես հաղորդում է INTERFAX.RU-ն՝ հղում անելով վրացական լրատվամիջոցներին, լուսաբացին երկու դիմակավորված անձինք ներխուժել են Միրզոյանի բնակարան, ծեծի ենթարկել և կապել նրան, ինչից հետո արժեքավոր իրեր են գողացել, ինչպես նաև շուրջ 700 լարի:
Վետերանի հարևանները լրագրողներին պատմել են, որ Միրզոյանն ինքն է ոստիկանություն կանչել կողոպտիչների հեռանալուց հետո:
Վրաստանի ՆԳՆ-ից հայտնել են, որ հետաքննություն է սկսվել Քրեական օրենսգրքի 179-րդ հոդվածով («Կողոպուտ»):
Միրզոյանն ակտիվորեն մասնակցում է Վրաստանում անցկացվող տարատեսակ միջոցառումների՝ կապված Հայրենական մեծ պատերազմի հետ:
