Մոսկվայում աղջիկը ծեծել է վարորդին եւ առեւանգել տաքսին
Մոսկվայի կենտրոնում 27-ամյա մի աղջիկ ծեծի է ենթարկել տաքսու վարորդին եւ գնացել նրա մեքենայով: Ինչպես մայրաքաղաքի ՆԳՆ գլխավոր վարչության տեղեկատվության եւ հասարակայնության հետ կապերի բաժնի պետ Յուրի Տիտովն է պատմել, վարորդի եւ աղջկա միջեւ ծեծկռտոցը տեղի է ունեցել Սադովոյ-Սամոտեչնոյ փողոցում: Ուղեւորուհին հայտարարել է, որ տաքսու վարորդը պահանջում էր չափազանց մեծ գումար ճանապարհի համար, եւ սկսել է ծեծել նրան: Հետո նա ղեկը խլել է ծեծված վարորդից եւ քշել: Վարորդն այնուհետեւ հոսպիտալացվել է «շտապ օգնության» կողմից, նա լուրջ վնասվածքներ է ստացել:
Քաղաքում անմիջապես սկսել է իրականացվել «Գրավում» պլանը, եւ գտել են առեւանգված տաքսին՝ Լենինգրադյան մայրուղու վրա: Այդտեղ էլ հենց ձերբակալել են կասկածյալին՝ նա մեքենայով հասել էր իր տան մոտ: Նրա նկատմամբ քրեական գործ է հարուցվել: Աղջիկը խուզարկվել է, հաղորդում է RG- ն:
