Թոքերի քաղցկեղը հնարավոր կլինի 20 վայրկյանում ախտորոշել
Սանկտ Պետերբուրգի Պոլիտեխնիկական համալսարանում Doctor AIzimov ինտելեկտուալ համակարգ են մշակել, որը հնարավորություն է տալիս 20 վայրկյանում ուռուցքային հիվանդություններն ախտորոշել:Սանկտ Պետերբուրգի Պոլիտեխնիկական համալսարանի կայքում հաղորդվում է, որ Սանկտ Պետերբուրգի բժշկական օգնության մասնագիտացված տեսակների կլինիկական գիտա-գործնական կենտրոնի բժիշկների հետ համատեղ ծրագրային ապահովում է մշակվել, որը հնարավոր է ցանկացած համակարգչի վրա տեղադրել:
Doctor AIzimov-ը հաշված րոպեների ընթացքում կարող է վերլուծել հիվանդների թոքերի համակարգչային տոմոգրաֆիայի արդյունքները եւ նկատելի ընդգծված պաթոլոգիայի տեսքով եզրակացություն տալ:
Մեթոդի նորությունն այն է, որ համակարգչային տոմոգրաֆիայի ծավալուն եւ բարդ գրաֆիկական նկարի փոխարեն նոր ծրագրում ուռուցքը ներկայացվում է կոմպակտ եւ պարզ հիստոգրամների տեսքով:
Նոր համակարգի փակ փորձարկումներն անցկացվել են 2018-ի վերջում: Ըստ ծրագրավորողների՝ Doctor AIzimov-ն ընդունակ է ինքնուրույն սովորել եւ յուրաքանչյուր հաջորդ առաջադրանքը թույլ կտա արագացնել գործըթացը: Գիտնականները մտադիր են տեխնոլոգիայի արագագործությունը 20-ից 2 վայրկյանի հասցնել:
