Սպասվում է ամպրոպ, անձրև ու քամու ուժգնացում          ՌԴ-ում միգրանտների համար, որոնք պատրաստվում են ապրել եւ աշխատել այնտեղ, օգոստոսի 1-ից գործողության մեջ է մտնում նոր դրույթ       Տեսանյութ.Ադրբեջանցի ընդդիմադիր բլոգերին մահացած են գտել Թբիլիսիում,չեն բացառում, որ նրա մահը բխում է Ադրբեջանի կառավարության շահերից    

04 փետ 2019 15:50

Քանի դեռ խնդիրը կարգավորված չէ՝դրա համար մենք միշտ պետք է պատրաստ լինենք պատերազմի

Քանի դեռ խնդիրը կարգավորված չէ՝դրա համար մենք միշտ պետք է պատրաստ լինենք պատերազմի
Ազգային ժողովում այսօր՝ փետրվարի 4-ին, հանդիպում է տեղի ունեցել ԱԺ ԼՀ խմբակցության և ԱԳ նախարար Զոհրաբ Մնացականյանի միջև:
Հանդիպումից հետո լրագրողների հետ զրույցում ԼՀ խմբակցության ղեկավար Էդմոն Մարուքյանը հայտնեց, որ իրենք հարցեր են ուղղել նախարարին և ճշտել ընդհանուր մոտեցումները. «Պետք է հաշվի առնել, որ ամբողջ քննարկումը և այս ֆորմատն անիմաստ կլինի, եթե այն լինի բաց և հրապարակային»:

Պատգամավորը նշեց, որ հանդիպումների նման ֆորմատը կպահպանվի, ինչը թույլ կտա պատասխաններ ստանալ տարբեր հարցերի շուրջ:
Ինչ վերաբերում է նրան, թե փարատվել են արդյո՞ք մտահոգությունները, Մարուքյանը նշեց, որ հանդիպումը եղել է մտահոգությունները փարատելու և նոր մտահոգություններ չունենալու համար. «Մենք ստացել ենք հարցերի պատասխանը, թե ինչ է տեղի ունենում Արցախի հարցի շուրջ և ինչ քննարկումներ են ընթանում: Իսկ թե ինչու են գործընթացներն ակտիվ, մենք նման հարց չունենք, դա ինձ համար անակնկալ չէ, քանի որ Հայաստանում տեղի ունեցածից հետո չէր կարող ակտիվություն չլիներ: Ես կողմ եմ ակտիվ շփումներին»:
Հարցին, թե կա արդյո՞ք մտահոգություն Արցախի մասով, պատգամավորն ասաց, որ մտահոգություններ միշտ կան, քանի որ հակամարտությունը կարգավորված չէ. «Իսկ ընթացիկ ունեցած մտահոգությունները, որոնք կան, փորձեցինք հնարավորինս փարատել: Ավելին, ստացած ինֆորմացիան դեռ պետք է մարսվի, անալիզի ենթարկվի»:
Ինչ վերաբերում է պատերազմի հավանականությանը, Մարուքյանի խոսքերով, քանի դեռ խնդիրը կարգավորված չէ, դրա հավանականությունը կա ու միշտ եղել է. «Դրա համար մենք միշտ պետք է պատրաստ լինենք պատերազմի»:

Մեկնաբանություններ

Համընկնող լուրեր