Լևոն Տեր-Պետրոսյանը մարտի 1-ի գիշերն ամենահանգիստն է եղել, վերջապես ստացավ էն, ինչ ուզում էր

Մարտի մեկի գործը խեղաթյուրվում է եւ ամենասարսափելին այն է, որ խաբում են զոհերի հարազատերին։ Այս մասին, այսօր՝ փետրվարի 6–ին, լրագրողների հետ հանդիպման ժամանակ նշեց «Ազգային համաձայնություն» կուսակցության նախագահ Արամ Հարությունյանը:
Անդրադառնալով «Մարտի 1»-ի գործով մեղադրյալ ՀՀ երկրորդ նախագահ Ռոբերտ Քոչարյանին, նա նշեց. «Չի կարելի էդպիսի ստոր ձեւով վարվել հարազատների հետ, չի կարելի նշանակել մեղադրյալ եւ ասել՝ ինքն ա։ Ինչի՞ չեն գնում Շերիֆի հետեւից, ներքին զորքերի հրաամատարն էր, կարծես թե ոստիկանությունը թիթեռ է նկարել պատին»:
Արամ Հարությունյանն ասաց, որ իր կարծիքով՝ «Մարտի 1»-ը չպետք է դառնա իշխանությունը պահելու կամ տալու միջոց. «Մարտի մեկը մեր բոլորի ցավն է՝ բացառությամբ Լեւոն Տեր–Պետրոսյանի, որովհետեւ ինքն էդ գիշեր ամենահանգիստն է եղել եւ վերջապես ստացավ էն, ինչ ուզում էր»,– ասաց նա։