Մանվել Գրիգորյանը «Երևան Կենտրոն» ՔԿՀ-ից տեղափոխվել է «Նաիրի» բժշկական կենտրոն
Ապօրինի զենք-զինամթերք պահելու և խոշոր չափերի յուրացման մեջ մեղադրվող գեներալ Մանվել Գրիգորյանը «Երևան Կենտրոն» ՔԿՀ-ից տեղափոխվել է «Նաիրի» բժշկական կենտրոն, այս պահին հետազոտվում է:Այս մասին Tert.am-ի հետ զրույցում ասաց «Նաիրի» ԲԿ փոխտնօրեն Անատոլի Գնունին:
«Այսօր պահակախմբի ուղեկցությամբ և կալանավայրի բժշկի ուղեկցությամբ եկել է Նաիրի բժշկական կենտրոն, այստեղ գտնվելու նպատակն այս պահի դրությամբ հետազոտությունն է»:
Հիշեցնենք, որ Մանվել Գրիգորյանի պաշտպանները միջնորդություն են ներկայացրել իրենց պաշտպանյալին գրավի դիմաց կալանքից ազատ արձակելու վերաբերյալ:
