Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

21 փետ 2019 14:08

Տեսանյութ. Արմեն Սարգսյանի անակնկալ հարցը Ջո Բայդենին հեղինակավոր ԶԼՄ-ներում մեծ արձագանք է գտել

Տեսանյութ. Արմեն Սարգսյանի անակնկալ հարցը Ջո Բայդենին հեղինակավոր ԶԼՄ-ներում  մեծ արձագանք է գտելՕրերս Մյունխենի  Անվտանգության համաժողովի միջանցքներում Հայաստանի նախագահ Արմեն Սարգսյանի  կարճատև զրույցն  ԱՄՆ նախկին փոխնախագահ Բայդենի հետ գրավել է արևմտյան և տեղական լրատվամիջոցների ուշադրությունը։ Թեև հանդիպումը ոչ պաշտոնական բնույթ էր կրում, լրատվամիջոցները սղագրել են զրույցի այն հատվածը, որում քաղաքական գործիչները շշուկով չեն խոսում։ Այս հանդիպումը գուցե այսպիսի աղմուկ չբարձրացներ, եթե ՀՀ նախագահ Արմեն Սարգսյանն անակնկալ հարց չուղղեր Ջո Բայդենին ԱՄՆ նախագահական ընտրություններում մասնակցելու մտադրության մասին։

CNN-ը հրապարակել է նույնիսկ հանդիպման  տեսանյութը, որտեղ պարզ լսվում է ղեկավարների խոսակցությունը։ «Բարև Ձեզ, պարո՛ն նախագահ, ներողություն, Ձեր կողքով անցա»,– ասաց  Ջո Բայդենը, ինչին Արմեն Սարգսյանը կատակով պատասխանեց. «Դուք չեք կարող իմ կողքով անցնել»։ Միմյանց ողջունելուց ու որպիսությունը հարցնելուց հետո Արմեն Սարգսյանը Բայդենից հետաքրքրվում է՝ առաջադրվելո՞ւ   է արդյոք նա  ԱՄՆ նախագահի ընտրություններում։ Բայդենի պատասխանը, ինչպես տեսանյութում է երևում, շշուկով է, բայց մի շարք լրատվամիջոցներ նախկին փոխնախագահի ժեստերից ենթադրում են, որ Բայդենի պատասխանը դրական է։

Հանդիպումից օրեր անց ևս արևմտյան հեղինակավոր ԶԼՄ-ները քննարկում են հանդիպումը և փորձում գուշակել Բայդենի պատասխանը։ Սարգսյան-Բայդեն ջերմ զրույցը բավականին դրական արձագանքներ է ստացել նաև այստեղ՝ Հայաստանում, ոչ միայն լրատվամիջոցները, փորձագիտական հանրությունը, այլև սոցիալական ցանցերում օգտատերերն ակտիվորեն տարածում են Սարգսյան-Բայդեն  կուլիսային հանդիպման տեսանյութերը։

Մեկնաբանություններ


Համընկնող լուրեր