Հեռացրել են քաղցկեղով ախտահարված լեզուն եւ ձեռքի հյուսվածքներից նորը ստեղծել
Բրիտանիայից 58-ամյա Ջոաննա Սմիթի մոտ լեզվի քաղցկեղ էր առաջացել: Նրա կյանքը փրկելու համար բժիշկները հեռացրել էին ուռուցքը՝ լեզվի մեծ մասի հետ, իսկ հետո վերականգնել լեզուն՝օգտագործելով պացիենտի ձեռքի հյուսվածքները:Ամեն ինչ սկսվեց լեզվի փոքրիկ խոցից: Անցյալ տարվա հոկտեմբերին Ջոաննան զգաց, որ ինչ-որ բան այն չէ եւ որոշեց բժշկի դիմել: Սկզբում նրան վերքի ապաքինման համար գել տվեցին, սակայն այն չօգնեց. խոցը շարունակում էր մեծանալ: Երբ հիվանդին ուղարկեցին բիոպսիայի, պարզվեց, որ նա քաղցկեղ ունի:
Ջոաննային բացատրեցին, որ նրան մնացել է 10 ամիս ապրել, սակայն նրա ապրելու հավանականությունը զգալիորեն կավելանա, եթե հեռացնեն լեզուն: Ջոաննան համաձայնվել էր վիրահատությանը:
Այս տարվա հունվարին նրա լեզուն հեռացրել էին: Վիրահատությունը 15 ժամ էր տեւել, դրան մասնակցել էր 29 մասնագետ: Որպեսզի պացիենտն ընդհանրախես առանց լեզվի չմնա, ձեռքի մաշկից եւ մկաններից նոր օրգան էին ստեղծել: Նոր օրգանի արյան մատակարարումն ապահովվում է ձեռքից վերցրած երակից: Սկզբում բժիշկները փորձել էին պացիենտի ոտքի մկանները վերցնել, սակայն դրանք չէին աճել:
Այժմ Ջոաննան կարողանում է նորմալ խոսել: Իսկ վերջերս սկսել է պինդ սնունդ ուտել, մինչդեռ մի քանի ամիս միայն հատուկ հեղուկ կոկտեյլներով էր սնվում: Նրա լեզուն այլեւս համ չի զգում, սակայն զգում է քիմքը:
Անալիզները ցույց են տվել, որ Ջոաննան լիովին բուժվել է քաղցկեղից:
