Տեսանյութ. Ամենաազդեցիկ կարդինալներից մեկին մեղավոր են ճանաչել երեխաների նկատմամբ սեռական բռնություն գործելու մեջ
Ավստրալիայի դատարանը կաթոլիկ սուրբ եկեղեցու ավագ քահանա Ջորջ Փելին մեղավոր է ճանաչել անչափահասների նկատմամբ սեռական բռնություն գործելու մեջ։ Այս մասին հաղորդում է ABC News-ը։Վիկտորիա նահանգի շրջանային դատարանը մեղադրական դատավճիռ է կայացրել փետրվարի 26-ին։ Փելը մեղավոր է ճանաչվել բոլոր կետերով, ներառյալ՝ մինչև 16 տարեկան անչափահասի բռնաբարության և 4 դեպքի մեջ, երբ երեխաների նկատմամբ կամ նրանց ներկայությամբ անպատշաճ վարքագիծ է դրսևորել։
Փետրվարի 17-ին Հռոմի պապ Ֆրանցիսկոսը կոչումից զրկել է Վաշինգտոնի նախկին արքեպիսկոպոս Թեոդոր Մաքերիկին այն բանից հետո, երբ եկեղեցական դատարանը նրան մեղավոր է ճանաչել անչափահասների և չափահասների նկատմամբ սեռական ոտնձգություններ կատարելու մեջ։
