Տեսանյութ.Արաբ շեյխի համար ստեղծվել է 24 տոննայանոց, աշխարհում ամենամեծ ու տարօրինակ արտաճանապարհային մեքենան
Արաբական Միացյալ Էմիրությունների շեյխ Համադ բին Համդան ալ Նահյանի համար ստեղծվել է աշխարհում ամենամեծ արտաճանապարհային մեքենան, որը Oshkosh M1075 ռազմական բեռնատարի ու Jeep Wrangler-ի արտասովոր համադրություն է:Ինչպես նշում է Oddity Central-ը, 10-ակնանի փոխադրամիջոցը ստացել է «Դաբիյան» անվանումը:
Ինչ վերաբերում է տեխնիկական բնութագրին, ապա այն համալրված է 600 ձիաուժ հզորությամբ, 15,2 լ աշխատանքային ծավալով, վեց գլանանի Caterpillar C15 դիզելային շարժիչով: Մեքենան կշռում է 24 տոննա, ունի 10,8 մ երկարություն, 2,5 մ լայնություն և 3,2 մ բարձրություն:
Ահռելի արտաճանապարհային մեքենայի շնորհանդեսը կայացել է վերջերս՝ Շարժայում ավտոշոուի շրջանակում:
Թեև հայտնի չէ, թե դրա արտադրական ծախսն ինչքան է, սակայն ենթադրվում է, որ մեքենաների հայտնի հավաքորդ շեյխը բավական մեծ գումար է վճարել:
