Արյան ճնշման վայրիվերումներ.Օրգազմը կնոջը կաթվածի հասցրեց
Մարմնական հաճույքները Լոնդոնի 44-ամյա բնակչուհուն հիվանդանոց հասցրին։ Ինչպես ասվում է BMJ Case Reports ամսագրում հրապարակված հոդվածում, կինը սեքսի ժամանակ անսպասելիորեն կորցրել է գիտակցությունը։ Բժիշկները պարզել են, որ նա կաթված է ստացել գլխուղեղի անոթի պայթելու պատճառով։Կինը բժիշկներին պատմել է, որ գիտակցությունը կորցնելուց առաջ օրգազմ է ապրել։ Մասնագետները նշում են, որ արյան ճնշման վայրիվերումները սեքսի ժամանակ իսկապես կարող են դառնալ արյունատար անոթների խզման պատճառ։ Բացի այդ, զարկերակային ճնշումը բարձրանում եւ սիրտն արագանում է հենց օրգազմի պահին։
Լոնդոնցի պացիենտուհու մոտ ախտորոշվել է սուբարախնոիդալ արնազեղում, եւ նա բուժվել էր էմբոլացնող պարույրի օգտագործմամբ։ Նա ընդհանուր առմամբ հիվանդանոցում է անցկացրել երկու շաբաթ։
