ԱՄՆ Պետքարտուղարությունը քննադատել է.Ադրբեջանի իշխանությունները մերժում են հայերի մուտքը
ԱՄՆ Պետքարտուղարությունը քննադատել է հայազգի արտասահմանցիների նկատմամբ Ադրբեջանի իշխանությունների վարքագիծը:Աշխարհում մարդու իրավունքների վիճակի վերաբերյալ ԱՄՆ Պետքարտուղարության ամենամյա զեկույցում նշվում է, որ հայկական անուններով մարդիկ Ադրբեջանի սահմանակետերում հաճախ լրացուցիչ ստուգման են ենթարկվում: Նման անձանց հաճախ մերժում են երկիր մուտքը: Քաղաքացիական հասարակության ակտիվիստները հայտարարել են, որ մի ամբողջ սերունդ մեծացել է հայերի դեմ ատելության կարգախոսներով:
Երկրի իշխանությունները նաեւ ճնշում են ազգային փոքրամասնությունների ներկայացուցիչներին: Որոշ խմբեր, այդ թվում հարավում թալիշները եւ հյուսիսում լեզգիները հայտնում են, որ կառավարությունը տեղական լեզուներով ուսումնական ձեռնարկներ չի տրամադրել:
