Ադրբեջանի զորավարժության կրակային փուլը. վարժանքներ են ընթանում նաև Նախիջևանի առանձին համազորային բանակում
Մարտի 14-ին՝ Ադրբեջանում անցկացվող լայնամասշտաբ զորավարժության չորրորդ օրը, անցկացվել է կրակային փուլը: Ներգրավվել են հրթիռահրետանային միջոցներ, զորահատանկային և հատուկ տեխնիկա, ավիացիա, այդ թվում՝ ԱԹՍ:[Ուղղում] Կրակային փուլը եղել է մարտի 13-ին, սակայն դրա մասին Ադրբեջանի ՊՆ-ն հայտնել է մեկ օր անց՝ ներկայացնելով դա նույն օրվա:
Դատելով Ադրբեջանի ՊՆ հրապարակումներից՝ բանակը կիրառել է հրետանի, կանանանետներ և համազարկային կրակի ռեակտիվ համակարգեր, հրետանային պատրաստություն տեսնելուց հետո զորահատանկային ստորաբաժանումները հետևակի հետ միասին անցել են պայմանական հակառակորդի առաջնագիծը գրոհելուն, ինչին զուգահեռ ճանապարհներ բացելու և խոցված տեխնիկան մարտադաշտից դուրս բերելու համար աշխատել է հատուկ տեխնիկա`ԻՄՌ-2: Գրոհին աջակցում էր ավիացիան:
Կրակային փուլին ներգրավված միջոցները ներկայացնում ենք ստորև.
Հրթիռային և հրետանային միջոցներ
ԲՄ-21 «Գռադ» – 122 մմ ՀԿՌՀ
RM-70 – 122մմ ՀԿՌՀ
«Վենա» – 120մմ ինքնագնաց հրանոթ
«Գվոզդիկա» – 122մմ ինքնագնաց հաուբից
Դ-30 – 122մմ քարշակվող հաուբից
ՄՏ-12 – 100մմ հակատանկային հրանոթ
«Սանի» – 120մմ ականանետ
«Խրիզանետմա-Ս» ինքնագնաց հակատանկային հրթիռային համակարգ
RM-70 ՀԿՌՀ-ները կրակային դիրքերումԶրահատանկային տեխնիկա
Տ-72 տանկ
ԲՄՊ-1 հետևակի մարտական մեքենա
ԲՏՌ-82Ա զրահափոխադրիչ
Ավիացիա և ԱԹՍ, ՀՕՊ
Սու-25 գրոհիչ
Մի-35 հարվածային ուղղաթիռ
«Օրբիտեր-3» հետախուզական ԱԹՍ
Կիրառվել է նաև մահապարտ ԱԹՍ, տեսակը հայտնի չէ [լրացում]
ԶՍՈւ-23-4 «Շիլկա» ԶՀ
ՄՏ-ԼԲ ԶՈւ-23-2 ԶՀ
«Իգլա» դյուրակիր ԶՀՀ
Սու-25 գրոհիչները Քյուրդամիրի ավիաբազայում
Հիշեցնենք, որ Ադրբեջանում լայնամասշտաբ զորավարժությունները մեկնարկել էին մարտի 11-ից և ավարտվելու են մարտի 15-ին: Զորավարժության նախորդ օրերի հիմնական գործողություններին կարող եք ծանոթանալ այստեղ:
Ըստ Ադրբեջանի ՊՆ հայտարարություն՝ ներգրավվել են մինչև 500 միավոր զրահատանկային տեխնիկա, ավտոմոբիլային և հատուկ միջոց, մինչև 300 միավոր տարբեր տրամաչափի հրթիռահրետանային միջոց, տարբեր նշանակության մինչև 20 միավոր ավիացիոն միջոց:
Սրան զուգահեռ հրամանատարաշտաբային վարժանքներ են ընթանում նաև Նախիջևանի առանձին համազորային բանակում:
