Վիեննայի թանգարանները հաշիվ են բացել «պոռնոկայքում».այսօր արվեստի ազատության համար պայքարի նոր փուլ է անհրաժեշտ          Մյասնիկովը նախազգուշացրել է`իբուպրոֆեն, դիկլոֆենակ, ինդոմետացին...ամենավտանգավոր դեղամիջոցներն են սրտի համար       Օրական մինչև 23 անգամ հորանջելը շեղում չի հանդիսանում.Առողջական ինչ խնդիրների մասին կարող է նախազգուշացնել հորանջելու ցանկությունը    

26 մար 2019 13:15

Նվազագույն կենսաթոշակի չափ` 25 500 դրամ.ովքեր ավելի քիչ կենսաթոշակ են ստացել, նրանց տարբերությունը կվճարվի

Նվազագույն կենսաթոշակի չափ` 25 500 դրամ.ովքեր ավելի քիչ կենսաթոշակ են ստացել, նրանց տարբերությունը կվճարվիԿառավարությունը առաջարկում է սահմանել նվազագույն կենսաթոշակի չափ` 25 500 դրամ. այս մասին Ազգային ժողովում «Պետական կենսաթոշակների մասին» Հայաստանի Հանրապետության օրենքում լրացումներ և փոփոխություններ կատարելու մասին հարցի քննարկման ժամանակ ասաց հիմնական զեկուցող Աշխատանքի և սոցիալական հարցերի փոխնախարար Սմբատ Սաիյանը:
Նա պարզաբանեց, որ Հայաստանում չի լինի կենսաթոշակառու, ով կստանա 25 500 դրամից պակաս կենսաթոշակ: «Այս նախաձեռնությունը կվերաբերի շուրջ 18 հազար կենսաթոշակառուի: Այսօր Հայաստանում կան 18 հազար կենսաթոշակառուներ, որոնք ստանում են ծայրահեղ աղքատության գծից ցածր կենսաթոշակ: Նրանց կենսաթոշակը պետք է վճարել կառավարության առաջարկած այդ նվազագույն չափով: Պետական բյուջեում սա, իհարկե, կբերի ծախսերի ավելացման` շուրջ 800 մլն դրամով, բայց ուզում եմ նշել, որ 2019 թվականի բյուջեում համապատասխան միջոցները նախատեսված են և օրենքն ընդունվելուց հետո անմիջապես կկատարվի վերահաշվարկ և օրենքին կտրվի հետադարձ ուժ: Այսինքն` կհաշվարկվեն և կվճարվեն նաև 2019 թվականի այս ամիսների գումարները: Այսինքն` կկատարվի վերահաշվարկ և 2019 թվականի այս ամիսների ընթացքում, ովքեր ավելի քիչ կենսաթոշակ են ստացել, նրանց տարբերությունը կվճարվի»,- ասաց նա:
Փոխնախարարը հավելեց, որ այս փոփոխությամբ Հայաստանում կենսաթոշակառուների շրջանում ի սպառ կբացառվի ծայրահեղ աղքատության գիծը, որովհետև 25 500-ը ծայրահեղ աղքատության գծի շեմն է:
«Օրենքի նախագիծը ճանաչվել է անհետաձգելի: Բոլոր այն կենսաթոշակառուները, որոնք ունեն 12 տարվանից քիչ աշխատանքային ստաժ, փոփոխություններն իրենց վրա կզգան: Նրանց դեպքում այդ ավելացումը կկազմի 40-50 տոկոս»,-եզրափակեց նա:
 

Մեկնաբանություններ

Համընկնող լուրեր