Տեսանյութ.Աննախադեպ ցուցանիշ՝ վերջին 9 տարիների համար.կբարձրացվի զինծառայողների և ուսուցիչների աշխատավարձը
2019 թվականի պետական բյուջեի եկամտային մասը կգերակատարենք առնվազն 40 միլիարդ դրամով: Սա մոտավորապես 90 միլիոն դոլար է: Այսինքն 2019 թվականին պետական եկամուտները կլինեն առնվազն այսքանով ավել, քան նախատեսված է ԱԺ-ի կողմից ընդունված պետական բյուջեով: Սա վերջին 9 տարիների համար աննախադեպ երևույթ է: Այսօր՝ մարտի 27-ին, խորհրդարանում ՀՀ կառավարության ծրագրի կատարման ընթացքի և արդյունքների մասին զեկույցը ներկայացնելիս հայտարարեց ՀՀ վարչապետ Նիկոլ Փաշինյանը:Խոսելով այն մասին, թե ինչ է արվելու այդ հավելյալ եկամուտներով՝ վարչապետն ասաց, որ մտադրված են 2019 թվականի հուլիսի 1-ից 10 տոկոսով բարձրացնել ՀՀ ԶՈւ զինծառայողների աշխատավարձերը, իսկ սեպտեմբերի 1-ից նույն չափով բարձրացնել ՀՀ-ում հանրակրթական դպրոցներում աշխատող ուսուցիչների աշխատավարձը: Մոտ 38 հազար ուսուցչի մասին է խոսքը;
«Բացի դրանից, մենք պլանավորում ենք այս տարի իրականացրել մոտ 303 կմ ավտոճանապարհների տարբեր մակարդակների նորոգումները, ինչը նույնպես աննախադեպ ցուցանիշ է վերջին 9 տարիների համար»,-ասաց վարչապետը՝ հավելելով, որ այդ ցուցանիշի մեջ չի մտնում Հյուսիս-Հարավը:
Փաշինյանը նաև ասաց, որ մտադիր են 10 միլիարդ հատկացնել սուբվենցիոն ծրագրերին: Դրանք այն ծրագրերն են, որոնք իրականացվում են համայնքային իշխանությունների հետ:
