ԱԱԾ-ն բերման է ենթարկել առողջապահության փոխնախարարին
ՀՀ առողջապահության նախարար Արսեն Թորոսյանը
Facebook սոցիալական ցանցի իր էջում, արձագանքելով այսօր տարածված լուրերին, այն, որ ԱԱԾ–ն ձերբակալել է առողջապահության փոխնախարարներից մեկին, գրել է.
«ԱԱԾ-ն իրականացրել է օպերատիվ հետախուզական միջոցառում, ինչից հետո բերման է ենթարկել առողջապահության նախարարի տեղակալ Արսեն Դավթյանին։
Այլ մանրամասների այս պահին չեմ տիրապետում։ Կարծում եմ` ԱԱԾ-ն պարզաբանում կտա ավելի ուշ»,– գրել է նախարարը։
Ավելի վաղ տեղեկություն էր տարածվել այն մասին, որ կաշառք վերցնելու պահին ձերբակալվել է ՀՀ առողջապահության փոխնախարարը։
Արսեն Դավթյանը առողջապահության փոխնախարար է նշանակվել ՀՀ վարչապետ Նիկոլ Փաշինյանի որոշմամբ՝
2018 թվականի մայիսին: