Մողեսի պես մտան մեր ընտանիք. Երեք երեխա է որբացել.Ծիծաղիր, կծիծաղես վերջում
Վահրամ ՏԵփանոսյանը սկսել է այդ մասին խոսել, երբ այս մարդկանց բանտից բաց թողեցիք, դրանից հետո մեր ընտանիքը գլխիվայր շուռ եկավ: Այս մասին Սասնա ծռեր խմբի գործով դատական նիստի ժամանակ հայտարարեց սպանված ոստիկաններից Յուրի Տեփանոսյանի կինը՝ պատասխանելով այն հարցին, թե որ պահից է Յուրիի հայրը սկսել խոսել այն մասին, որ իր որդուն իբր սպանել են ոստիկանները:
«Հերիք չէ ընտանիքս նրանց ձեռքով քանդվեց, հիմա էլ ընտանեկան հարաբերությունների վրա սկսեցին ազդել»,- ասաց Արփինե Թումասյանը:
Արփինե Թումասյանը նշեց, որ մինչ այդ Վահրամ Տեփանոսյանը հանգիստ է եղել, բոլորն են տեսել. «Մողեսի պես մտան մեր ընտանիք: Երեք երեխա է որբացել, ընտանիք են քանդել»:
Երբ Սասնա ծռերից արձագանք եղավ, որ իրենք ընտանիք չեն քանդել, Թումասյանն ասաց. «Բա ո՞վ է քանդել, կողքիդ նստած անասունն է քանդել: Ծիծաղիր, կծիծաղես վերջում»:
«Սասնա ծռերի» գործով այսօրվա դատական նիստին ցուցմունք տվեց գործով տուժող Էլեն Վարդանյանը։
Նա հայտնեց, որ բնակվում է ոստիկանության ՊՊԾ գնդի մոտ, դեպքից շատ մանրամասներ չի հիշում, գիտի միայն, որ իրենց տանը անչափահաս երեխաներ կային, որոնք վախեցել են։
«Լուսադեմին ժամը 5–ի կողմերը ուժեղ ձայն լսեցինք, վեր կացանք, տեսանք մեքենա, խառնաշփոթ իրավիճակ էր, ոստիկանական մեքենաներ էին, դարպասների մոտ բեռնատար կար։ Քանի որ տանը անչափահաս երեխաներ կային, շատ վախեցած վիճակ էր՝ անընդհատ չեմ գնացել պատուհանի մոտ։ Հաջորդ օրը մամայիս, եղբորս և երեխաներիս հետ տարածքը լքել ենք, քանի որ երեխաները ուժեղ սթրեսի մեջ էին: Մեզ հետո զանգել են կանչել, ասացին, որ պատուհանը բաց է և որ պատուհանից տուն են մտել և որ պիտի տունըխուզարկվի: Ներս ենք մտել՝ պահարանը թափթված էր, սառնարանը բաց էր, որոշ բաներ էին բացակայում»,–պատմեց տուժողը։
Մեղադրողի հարցին, արդյոք կրակոցների ձայներ լսե՞լ է, տուժողը պատասխանեց՝ այո՝ նշելով, որ երեխաները կրակոցներից են վախեցել։
Վարդանյանը նաև ասաց, որ իր տնից կորել է «պլանշետ» և հեռախոս:
Կինը նաև հայտնեց որ որևէ բողոք և պահանջ չունի:
