Սիրիայում դաժան մարտեր են եղել հայերի և թուրք վարձկանների միջև. թուրքերը դիմել են փախուստի
Հայոց ցեղասպանության զոհերի հիշատակի օրվա՝ ապրիլի 24-ի նախօրեին թուրք վարձկանները սիրիական Էլ Բաբ քաղաքում հարձակվել են հայ ընտանիքների վրա, ինչի հետևանքով կողմերի միջև բախումներ են տեղի ունեցել: Այս մասին հայտնում է քրդական hawarnews.com լրատվական կայքը՝ «Հայոց ցեղասպանության» փոխարեն կիրառելով «հայկական ջարդեր» արտահայտությունը:Թուրքական բանակի և վարձկանների կողմից շրջափակված Էլ Բաբի քաջատեղյակ աղբյուրները լրագրողներին հայտնել են, որ ուժեղ բախումները սկսվել են ապրիլի 23-ի երեկոյան ժամը յոթին և մի քանի ժամ տևել:
Ամեն ինչ սկսվել է նրանից, որ թուրք վարձկանները հարձակվել են քաղաքում բնակվող հայկական արմատներով ընտանիքների վրա:
Դաժան մարտերի արդյունքում թուրք վարձկանները հրազենային վնասվածքներ են ստացել և տեղափոխվել հիվանդանոց:
Բախումից հետո որոշ վարձկաններ դիմել են փախուստի:Տուժած հայերի մասին տեղեկություն չի հաղորդվում:
