ԻՆձ զգուշացրել էին, որ մտնում եմ նախկին օլիգարխների դաշտ.չխառնվեն մարդիկ, որոնք իրավասու չեն խառնվելու
Դավիթ Սանասարյանին առաջադրվել է հանիրավի մեղադրանք: Այդ մասին այսօր՝ աօրիլի 30-ին մամուլի ասուլիսին ասաց Սանասարյանի փաստաբան Ինեսսա Պետրոսյանը։«Նա որևէ արարք չի կատարել, ինչի համար կարող է քրեական պատասխանատվության ենթարկվել, այս ամենը շինծու է, որը իրականացվել է ԱԱԾ քննչական դեպարտամենտի կողմից: Երբ որ Սանասարյանը հրավիրվեց որպես վկա, սակայն նրան արդեն լսում էին կասկածյալի իրավունքներով եւ պարտականություններով: Ի դեպ նա ներկայացել էր առանց պաշտպանի, բայց արդեն կար ուրվածգված որոշակի պլան, որով պետք է տեղի ունենային գործողությունները», - ասաց նա։
Սանասարյանի մյուս փաստաբան Արսեն Սարդարյանն էլ հավելեց, որ այս քրեական գործի հարուցումը բացառում է մեղադրյալի կարգավիճակը Սանասարյանի համար։
Փաստաբանը նշեց, որ կորցրել են վստահությունը ԱԱԾ-ի քննչականի նկատմամբ։
«Հիմա թե քննչական մարմինն է այսպիսի կոպիտ սխալ թույլ տալիս պաշտոնյայի նկատմանբ, թե ինչ-որ ստորգետնյա ջրեր կան, որ չենք տեսնում, այնուամենայնիվ, մենք ունենք փաստ՝ անձն, ով իր ամբողջ կյանքը նվիրել է պայքարին, հենց նույն պայքարի ընթացքում սկսում է քրեական հետապնդման ենթարկվել», - ասաց Արսեն Սարդարյանը։
Դավիթ Սանասարյանն էլ ասաց, թե երբ պետք է սկսեին ուսումնասիրությունը հեմոդիալիզի պարագաների վերաբերյալ, իրեն զգուշացրել են, որ մտնում է մի դաշտ, որտեղ լուրջ հակահարձակում է լինում. «Ինձ ասացին, որ նախկին օլիգարխների դաշտ ենք մտնում: Իմ պատասխանը հստակ է եղել՝ մեզ չի հետաքրքրում՝ ովքեր են, ինչ են, օրինականությունը, ամեն դեպքում, պետք է պահպանվի»:
Դավիթ Սանասարյանը պատասխանելով հարցին, թե ունի արդյո՞ք անձամբ որևէ խնդիր ԱԱԾ տնօրեն Արթուր Վանեցյանի հետ, ասաց, որ իր և Վանեցյանի հարաբերությունները որևիցե ձևով չպետք է կապ ունենան գործի հետ. «Պարոն Վանեցյանը քննչական մարմնի վերադասը չի համարվում: Առհասարակ ես իրեն էլ կոչ կանեմ այս թեմայով չխոսի»:
Սանասարյանը նշեց, որ իրենք ունեցել են աշխատանքային հարաբերություններ, որևիցե խնդիր չեն ունեցել. «Կոչս շատ հստակ է՝ չխառնվեն մարդիկ, որոնք իրավասու չեն խառնվելու, որովհետև դա դիտարկվելու է որպես ճնշում»:
Սանասարյանը նշեց, որ իրենք ունեցել են աշխատանքային հարաբերություններ, որևիցե խնդիր չեն ունեցել. «Կոչս շատ հստակ է՝ չխառնվեն մարդիկ, որոնք իրավասու չեն խառնվելու, որովհետև դա դիտարկվելու է որպես ճնշում»:
