ՊՎԾ պետի պաշտոնակատար Արգիշտի Քյարամյանը հրաժարվում է խոսել հոր մասին
Պետական վերահսկողության ծառայության ղեկավարի ժամանակավոր պաշտոնակատար Արգիշտի Քյարամյանը նախորդ շաբաթ ՊՎԾ ֆեյսբուքյան էջում պարզաբանում էր տարածել՝ անդրադառնալով իր ունեցվածքի ու ներկայացրած հայտարարագրի վերաբերյալ լրատվամիջոցների արձագանքներին:Հիշեցնենք, որ կառավարության նախորդ նիստից հետո Արգիշտի Քյարամյանը լրագրողների հետ զրույցում չէր ցանկացել պատասխանել այն հարցին, թե 28 տարեկանում ինչպես է 32 միլիոն դրամ և 46 հազար ԱՄՆ դոլար վաստակել։
Սա քննադատությունների թեմա էր դարձել հասարակական-քաղաքական շրջանակներում: «Ինքը լավ տեղյակ չէ, որ հաշվետու է. պետք է շուտափույթ կերպով ուղղի իր սխալը, այստեղ երկրորդ կարծիք լինել չի կարող»,- ասել էր ԱԺ նախագահը: «ՊՎԾ պետի պաշտոնակատարը պետք է հաշվետու լինի քաղաքացիներին»,- նշել էր ՀՀ վարչապետը:
Այսօր՝ մայիսի 2-ին կառավարության նիստից հետո լրագրողները կրկին մոտեցել են Արգիշտի Քյարամյանին. «Իմ կարծիքով՝ յուրաքանչյուր պաշտոնյա հաշվետու է հասարակության առաջ ու հաշվետվողականությունը պետք է դրսևորվի հայտարարագրով: Պաշտոնատար անձը պարտավոր է օգտվել այս ինստիտուտից ու հաշվետու լինել հասարակությանը»,- ասաց նա: «Վարչապետի կողմից ինձնից պարզաբանում պահանջելու հանգամանքը հրապարակման ենթակա չէ»,- շարունակեց Քյարամյանը:
Լրագրողները հետաքրքրվեցին նաև նրա կնոջ ունեցվածքից. «Ձեր կնոջը որտեղի՞ց 26 միլիոն դրամ և 46 հազար դոլար»: «Ես ամուսանցել եմ ավելի վաղ, քան որևէ պետական պաշտոն ստանալը, ու կինս այդ գումարներն ունեցել է ամուսնությունից առաջ»: Ձեր կինը գործարա՞ր է, որ այդքան գումար ունի՝ հարցրին լրագրողները: «Չեմ պատրաստվում իմ անձնական կյանքը քննարկել»,- ասաց ՊՎԾ պետի ժամանակավոր պաշտոնակատարը:
Սա քննադատությունների թեմա էր դարձել հասարակական-քաղաքական շրջանակներում: «Ինքը լավ տեղյակ չէ, որ հաշվետու է. պետք է շուտափույթ կերպով ուղղի իր սխալը, այստեղ երկրորդ կարծիք լինել չի կարող»,- ասել էր ԱԺ նախագահը: «ՊՎԾ պետի պաշտոնակատարը պետք է հաշվետու լինի քաղաքացիներին»,- նշել էր ՀՀ վարչապետը:
Այսօր՝ մայիսի 2-ին կառավարության նիստից հետո լրագրողները կրկին մոտեցել են Արգիշտի Քյարամյանին. «Իմ կարծիքով՝ յուրաքանչյուր պաշտոնյա հաշվետու է հասարակության առաջ ու հաշվետվողականությունը պետք է դրսևորվի հայտարարագրով: Պաշտոնատար անձը պարտավոր է օգտվել այս ինստիտուտից ու հաշվետու լինել հասարակությանը»,- ասաց նա: «Վարչապետի կողմից ինձնից պարզաբանում պահանջելու հանգամանքը հրապարակման ենթակա չէ»,- շարունակեց Քյարամյանը:
Լրագրողները հետաքրքրվեցին նաև նրա կնոջ ունեցվածքից. «Ձեր կնոջը որտեղի՞ց 26 միլիոն դրամ և 46 հազար դոլար»: «Ես ամուսանցել եմ ավելի վաղ, քան որևէ պետական պաշտոն ստանալը, ու կինս այդ գումարներն ունեցել է ամուսնությունից առաջ»: Ձեր կինը գործարա՞ր է, որ այդքան գումար ունի՝ հարցրին լրագրողները: «Չեմ պատրաստվում իմ անձնական կյանքը քննարկել»,- ասաց ՊՎԾ պետի ժամանակավոր պաշտոնակատարը:
ՊՎԾ պետի պաշտոնակատար Արգիշտի Քյարամյանը հրաժարվել է տրամադրել իր կենսաբանական հոր տվյալները։
Նշենք, որ մամուլում շրջանառվող տեղեկությունների համաձայն՝ նրա հայրն է Կոտայքի թեմի առաջնորդը, ով կուսակրոն է։
«Եթե չեմ սխալվում՝ սրբազանը ներկայացրել է, որ մենք ազգականներ ենք»,- ասաց Պետական վերահսկողական ծառայության պետի ժամանակավոր պաշտոնակատար Արգիշտի Քյարամյանը՝ պատասխանելով լրագրողների հարցերին:
«Չեմ ցանկանում մեկնաբանել՝ չնայած որ կարող եմ հեշտությամբ հերքել։ Յուրաքանչյուր անձ, այդ թվում՝ պաշտոնատար, ունի անօտարելի իրավունքներ։ Ցանկացած անձ ունի ընտանեկան կյանքի գաղտնիության իրավունք: Որպեսզի ճիշտ ընկալված լինեմ, ես հերքում եմ այդ լուրերը, բայց բարեկամ լինելը չեմ հերքում։ Ընտանեկան որևէ հարցի այլևս չեմ պատասխանելու, խնդրում եմ սա դիտել ընտանեկան կյանքի գաղտնիության սկզբունքի կարևորության տեսանկյունից»,- ասաց Քյարամյանը:
