Տարադրամի շուկայում ինչ փոխարժեքներ են սահմանվել հուլիսի 12-ի համար          Երկու տողանոց կենսագրություն ունեցող Հակոբ Արշակյանը «դաչա» է գնել. «Ժողովուրդ»       ՔՊ-ն նոր կարգախոս է փնտրում, որով կկարողանան ազդել ընտրողի վրա․ «Հրապարակ»    

13 մայիս 2019 10:48

Հրադադարի ռեժիմը նշանակում է ռազմական գործողության դադարեցում.Ադրբեջանի ԱԳՆ ափսոսանք է հայտնել, որ Երևանը հրաժարվում է բանակցություններից

Պաշտոնական Բաքուն կոչ է անում Երևանին կառուցողական բանակցություններ սկսել ղարաբաղյան հակամարտության շուտափույթ կարգավորման համար:
«Հայաստանը պետք է հրաժարվի իր ժողովրդին և միջազգային հանրությանը խաբելու փորձերից, դադարեցնի ագրեսիայի և էթնիկ զտումների քաղաքականությունը, հետևի իր միջազգային պարտավորություններին և կառուցողական ձևով մասնակցի բանակցային գործընթացին հակամարտության արագ կարգավորման համար», ֊ հայտարարել է Ադրբեջանի արտգործնախարարությունը՝ անդրադառնալով 25 տարի առաջ կնքված հրադադարի համաձայնագրին:
Խոսելով խնդրի կարգավորման մասին՝ պաշտոնական Բաքուն կրկին ընդգծել է Ադրբեջանի տարածքային ամբողջականութունը պահպանելու, բռնի տեղահանվածներին սեփական բնակավայրեր վերադարձնելու, ինչպես նաև Ղարաբաղում հայկական ու ադրբեջանական համայքների խաղաղ գոյակցությունը ապահովելու անհրաժեշտությունը:
«Դա կդառնա հիմք՝ Հայաստանի հետ բարիրդրացիական հարաբերությունների վերականգնման և տարածաշրջանի տևական խաղաղության, անվտանգության ու զարգացման համար», ֊ հայտարարել է Ադրբեջանի արտաքին քաղաքական գերատեսչությունը:
Ադրբեջանական կողմը միաժամանակ ընդգծում է, որ հրադադարի ռեժիմը նշանակում է ցանկացած տեսակի ռազմական գործողության դադարեցում։ «Այսինքն, դա ոչ միայն զինադադարն է, այլև ռազմական ուժերի դուրսբերումը հակամարտության գոտուց», ֊ հայտարարել է Ադրբեջանի արտգործնախարարությունը՝ ափսոսանք հայտնելով, որ Երևանը հրաժարվում է բովանդակային բանակցություններից։

Մեկնաբանություններ


Համընկնող լուրեր