Կասկածներ կան, որ Հոկտեմբերի 27-ին զենքերը նախօրոք են բերվել
Այսօր՝մայիսի 13-ին, խորհրդարանում լրագրողների հետ ճեպազրույցի ժամանակ ԱԺ Իմ քայլը խմբակցության պատգամավոր Ռուբեն Ռուբինյանը, խոսելով ԱԺ պատգամավորների նկատմամբ խստացված ստուգումների մասին, հայտարարեց, որ իր պայուսակն էլ են ստուգում, հետևաբար չի կարելի ասել, թե միայն ընդդիմադիրների պայուսակներն են ստուգում:Իմքայլական Անդրանիկ Քոչարյանն ասաց, որ իր ավտոմեքենան էլ են ստուգել. «Ինչ վերաբերում է պայուսակները ստուգելուն, պահպանության ծառայությունը չափն անցել է: Ես զգուշացրել եմ նրանց, որ պայուսակի ստուգումն արդեն այլ ռեժիմ է: Նրանք հասկացել են, որ պետք է վերանայեն այդ մասը: Մեքենաների ընդհանուր հսկողությունը մտնում է անվտանգության տրամաբանության մեջ, հատկապես Հոկտեմբերի 27-ից հետո: Այստեղ նեղանալու բան չկա: Իսկ եթե ինչ-որ մասով վերանայելու հարցեր կան, ես այդ հարցը քննարկել եմ և միգուցե վերանայումներ լինեն: Բաներ կան, որոնցից կարելի է հրաժարվել, որովհետև դա որևէ հարց չի լուծում»:
Քոչարյանը նշեց, թե դեռ կասկածներ կան, որ Հոկտեմբերի 27-ին զենքերը նախօրոք են բերվել:
Դիտարկմանը, որ խոսքը վերաբերում է ԱԺ-ից դուրս գալու ժամանակ ստուգումներին, Քոչարյանն ասաց՝ եթե ստուգումների մասով ռեժիմի խախտումներ են եղել, ինքը հենց այսօր կզբաղվի հարցով:
Ինչ վերաբերում է Հոկտեմբերի 27-ի գործը վերաբացելուն, Քոչարյանը նշեց, որ ծանրակշիռ ու նոր հանգամանքներ եթե լինեն, օրենքի պահանջով գործընթացը նորից տեղից կշարժվի: Եթե դա կապված լինի Մեղրի տարբերակի, կամ այլ հանգամանքի հետ, պետությունը կիրականացնի իր պարտավորությունները։
Անդրանիկ Քոչարյանը շատ արտառոց դեպք է համարում հատուկ ծառայություններից փաստսթղթերի անհետանալու փաստը:
Այսօր ԱԺ ճեպազրույցների ժամանակ նա նշեց, որ նման դեպք եղել է նաև 90-ականներին իշխանափոխության ժամանակ, երբ Ղարաբաղ կոմիտեն եկավ իշխանության և նախկին ԿԳԲ-ի կառույցներին անհետացել էին գործակալական գործերը.
«Ով էդպիսի բան նախաձեռնել է, դա անհետևանք չի մնալու, կհայտնաբերվեն թե՛ իրականացնողները, թե՛ նաև. եթե հնարավորություն կա, այդ փաստաթղթերի վերականգնման գործընթաց կգնա»:
Քոչարյանի խոսքով՝ դրանք կարող են կապ ունենալ Մարտի 1-ի կամ այլ բաների հետ, բայց դրանց անհետանալը նշանակում է, որ կան մարդիկ, որ լուրջ անհանգստացել են ինչ-որ փաստաթղթերի գոյությամբ, իսկ հայտնի է, որ շատ բաներ կեղծվել են, նաև անվտանգության ծառայություններն են մասնակից եղել այդպիսի կեղծիքների կազմակերպմանը, թեկուզ Մարտի 1-ի գործով:
Նա նշեց, որ Ներքին գործերի նախարարությունը ԱԱԾ գործակալական հաղորդագրությունների հիման վրա էր Մարտի 1-ին պլանավորել առավոտյան գործողությունները, խոսքը զենք-զինամթերք ունենալու մասին է, որի վերաբերյալ փաստաթղթերին Փաստահավաք խմբին հեռու են պահել և թույլ չեն տվել ծանոթանալ:
Այսօր ԱԺ ճեպազրույցների ժամանակ նա նշեց, որ նման դեպք եղել է նաև 90-ականներին իշխանափոխության ժամանակ, երբ Ղարաբաղ կոմիտեն եկավ իշխանության և նախկին ԿԳԲ-ի կառույցներին անհետացել էին գործակալական գործերը.
«Ով էդպիսի բան նախաձեռնել է, դա անհետևանք չի մնալու, կհայտնաբերվեն թե՛ իրականացնողները, թե՛ նաև. եթե հնարավորություն կա, այդ փաստաթղթերի վերականգնման գործընթաց կգնա»:
Քոչարյանի խոսքով՝ դրանք կարող են կապ ունենալ Մարտի 1-ի կամ այլ բաների հետ, բայց դրանց անհետանալը նշանակում է, որ կան մարդիկ, որ լուրջ անհանգստացել են ինչ-որ փաստաթղթերի գոյությամբ, իսկ հայտնի է, որ շատ բաներ կեղծվել են, նաև անվտանգության ծառայություններն են մասնակից եղել այդպիսի կեղծիքների կազմակերպմանը, թեկուզ Մարտի 1-ի գործով:
Նա նշեց, որ Ներքին գործերի նախարարությունը ԱԱԾ գործակալական հաղորդագրությունների հիման վրա էր Մարտի 1-ին պլանավորել առավոտյան գործողությունները, խոսքը զենք-զինամթերք ունենալու մասին է, որի վերաբերյալ փաստաթղթերին Փաստահավաք խմբին հեռու են պահել և թույլ չեն տվել ծանոթանալ:
