Սիրիայում հրթիռակոծման հետևանքով 5-10 տարեկան երեխաներ են մահացել, որոնցից մեկը հայ է
Սիրիայում զինյալ խմբավորումները, խախտելով լարվածության մեղմացման գոտիների մասին համաձայնությունը, մայիսի 12-ին հրթիռակոծել են սիրիական Համա քաղաքի արվարձանները, հաղորդում է սիրիական ՍԱՆԱ պետական լրատվական գործակալությունը:Զինյալները բազմաթիվ հրթիռներ են արձակել Սքեյբիե շրջանի բնակչության ուղղությամբ: Հրթիռակոծման հետևանքով զոհվել են 5-10 տարեկան 4 երեխաներ, վիրավորվել են տասնյակ քաղաքացիներ:
Զոհերից մեկը Ջեսիկա Հարությունի Սեմերճյանն է:
Երեկ զինյալները դարձյալ հրթիռակոծել են նույն բնակավայրը. զոհվել է 1, վիրավորվել՝ 5 մարդ:
