Դիվերսիոն գործողություններն անհաջող են ստացվում.որոշել են անցնել դիպուկահարների կրակով իրավիճակը լարելու գործընթացին
Ռազմական վերլուծաբան Աշոտ Ասատրյանը ֆեյսբուքյան իր էջում գրել է. «Ադրբեջանական կողմը փորձում է դիպուկահարների պատերազմի մեջ մտնել: Թշնամու սադրանքները կանխած մեր դիպուկահարների գործողություններից հետո Ադրբեջանի պաշտպանության նախարար Զաքիր Հասանովը խորհրդակցության էր հրավիրել բարձրաստիճան զինվորականների ու քննարկման հիմնական թեմաներից մեկը հենց դիպուկահարների գործողությունն էր: Փաստացի, Հասանովը փորձելու է դիվերսիոն գործողություններից, սահմանը ճեղքելու փորձերից անցում կատարել դիպուկահարների կրակով իրավիճակը լարելու գործընթացին, քանի որ մյուս դեպքերը, վերջին շրջանում, բավականին անհաջող են ստացվում, նույնիսկ այդքան զորավարժություններից հետո: Ոչինչ, հեսա մի քանի ահաբեկիչ դիպուկահար շարքից կհանենք, որ նոր խորհրդակցություն հրավիրեն, տեսնենք` այդ ժամանակ ում վրա կհենվեն»:
