Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

24 հուն 2019 12:58

Պուտինի հրամանով ՌԴ Կենտրոնական ռազմական շրջանի ուժերի և զորքերի անսպասելի ստուգում է սկսվել

Ռուսաստանի Դաշնության պաշտպանության նախարար Սերգեյ Շոյգուն տեղեկացրել է, որ ՌԴ նախագահ, երկրի գերագույն գլխավոր հրամանատար Վլադիմիր Պուտինի որոշմամբ՝ Կենտրոնական ռազմական շրջանում մարտական պատրաստության անսպասելի ստուգում է սկսվել:

«Այսօր՝ հունիսի 24-ին, ՌԴ ԶՈՒ գերագույն գլխավոր հրամանատարի որոշման համաձայն՝ Կենտրոնական ռազմական շրջանի ուժերի և զորքերի անսպասելի ստուգում է սկսվել»,- Շոյգուի խոսքը մեջբերում է ria.ru-ն:

Շոյգուն մանրամասնել է, որ ստուգման շրջանակում Մոսկվայի ժամանակով առավոտյան 6:00-ից ամբողջական կազմով բարձրագույն մարտական պատրաստության են բերվում Կենտրոնական ռազմական շրջանի մարտական կառավարման մարմինները, Հարավային և Արևելյան ռազմական շրջանների զորքերի և ուժերի մի մասը, օդադեսանտային ուժերի առանձին միավորումները, Հեռավոր և ռազմատրանսպորտային ավիացիան:

Շոյգուն հավելել է, որ այս քայլերն ուղղված են Կենտրոնական Ասիայի տարածաշրջանում ԶՈՒ-ի ռազմական անվտանգության ապահովման հնարավորությունների գնահատմանը: Նախարարն ընդգծել է, որ այս տարածաշրջանում պահպանվում են ահաբեկչական բնույթի լուրջ սպառնալիքներ:

Մեկնաբանություններ


Համընկնող լուրեր