Ծուղակը թվացյալ է
Արդեն տևական ժամանակ է ակտիվություն է նկատվում
տարածաշրջանում և հատկապես ԼՂՀ հիմնախնդրի հետ կապված: Օրերս ՌԴ նախագահը մեկնել է
Բաքու, այնուհետև ՀՀ և Թուրքիայի նախագահներին ընդունել Ռուսաստանում: Այս հարցի շուրջ Hayacq.com-ը զրուցեց քաղաքական գիտությունների դոկտոր, պրոֆեսոր Լևոն Շիրինյանի հետ:-Պարոն
Շիրինյան, այսօր ՀՀ-ն կարծես հայտնվել է ծուղակում: Ի՞նչ միջոցներ է պետք ձեռնարկել
այս իրավիճակից դուրս գալու համար:
-Նախ և առաջ չպետք է ենթարկվել որևէ շանտաժի:
Ռուսներն արդեն 200-250 տարի է անընդմեջ մեզ համար իրավիճակեր են ստեղծել, այնուհետև
շանտաժային լեզվով խոսել: Ծուղակը թվացյալ
է: Հայկական կողմը պետք է նախահարձակ լինի, իսկ Արցախը ոչ մի թիզ հող չունի որևէ մեկին
հանձնելու: Մենք պետք է լուծենք Նախիջևանի հարցը, դուրս գանք Քուռ-Արաքսյան հովիտ՝
մինչև Սաբիրապադ: Ռուսաստանը որպես մեր ռազմավարական դաշնակից պետք է պաշտպանի իր դաշնակցին: Այս անգամ հայ ժողովուրդը պետք է կյանքի ու մահվան
գնով չնահանջի: Մենք պարտավոր ենք մեր պատմության հետընթաց շրջագիծը շտկել՝ ապահովելով
ՇՐՋԱԴԱՐՁ, այսօր դրա լավագույն ժամանակն է: Չորրորդ հանրապետությունն ապրում է երկունքի
դժվարին ցավերը:
