Ռ. Քոչարյանի պաշտպանական խումբը չհաստատեց «BBC»-ում հրապարակված տվյալները
«BBC»-ում այսօր հրապարակվել էր հոդված, որում նշվել էր, որ արցախյան ուժայիններն են 2008թ.-ի մարտի 1-ին ցուցարարների ուղղությամբ կրակել։ Նախագահականում գործել է գաղտնի շտաբ, որը ֆինանսավորել են Գագիկ Ծառուկյանը և Սամվել Ալեքսանյանը։Ռոբերտ Քոչարյանի պաշտպանական խմբի անդամները մամուլի ասուլիսի ժամանակ չհաստատեցին այդ տվյալները։
«Պետք է պարզել, թե հոդվածագիրն ինչ է հասկանում՝ ասելով, որ գործով պարզ է դարձել։ Եթե քննիչը հարցադրում է անում՝ արդյոք այս հանգամանքներն իրականություն են, դա դեռ չի նշանակում, որ այդ հանգամանքները հաստատվել են։ Գոնե մեկ վկա դա պետք է հաստատի, իսկ մեզ տրամադրված նյութերում չկա ցուցմունք, որ այդ հանգամանքները հաստատվել են», - ասաց Հովհաննես Խուդոյանը։
