Տեսանյութ. Ինչո՞ւ են կրճատումներն արվում մանկապարտեզներին տրամադրված գումարներից և ոչ թե պարգևավճարներից
Դեռ անցյալ տարի Երևանի բյուջեյով 1 միլիարդ 400 միլիոն դրամ էր տրամադրվել մայրաքաղաքի վերանորոգման համար, սակայն քաղաքապետարանը որոշել է նախակրթարաններին հատկացված այդ գումարից 91 մլն դրամ տրամադրել կոմունալ տեխնիկա ձեռք բերելու համար:Ավագանու օգոստոսի 9-ի նիստում ավագանու անդամ Միքայել Մանրիկյանը հետաքրքրվեց՝ ինչո՞ւ են կրճատումներն արվում մանկապարտեզներին տրամադրված գումարներից և ոչ թե պարգևավճարներից, գործուղումներից:
Նիստը վարող Երևանի առաջին փոխքաղաքապետ Հրաչյա Սարգսյանն ասաց, որ 2018թ. նոյեմբերին շինարարական կազմակերպությունների լիցենզավորման կարգում փոփոխություններ են տեղի ունեցել: Դրա պատճառով քաղաքապետարանը չի կարողացել նախագծման համար մրցույթներ հայտարարել: Հարցը լուծվել է այս տարվա փետրվարին: Այժմ պատրաստ են 21 մանկապարտեզների վերանորգման նախագծերը: Առաջիկայում մրցույթով կընտրեն շինարարական կազմակերպություններին: Մինչև դեկտեմբեր կկարողանան սկսել 6 մանկապարտեզի վերանորոգում: Եվ երկրորդ՝ նախապես տրամադրված 1 միլիարդ 400 միլիոն հազար դրամը բավարար չէր 21 նախակրթարաններ նորոգելու համար: Ուստի՝ վերոնշյալ գումարից կրճատում է արվել: Իսկ ինչ վերաբերում է մանկապարտեզների նորոգմանը, դա կարվի եկող տարի գարնանը:
Երևանի քաղաքապետ Հայկ Սարգսյանն իր գործընկերոջ ասվածին հավելեց, որ գումարի կրճատումից որևէ մանկապարտեզի նորոգում չի տուժելու:
Նշենք, որ ավագանու նիստին քաղաքապետ Հայկ Մարությանի բացակայությունը տարօրինակ էր ավագանու անդամների համար: «Լույս» խմբակցության ղեկավար Դավիթ Խաժակյանի հետաքրքրությանն ի պատասխան նշվեց, որ քաղաքապետը բացակայում է առողջական խնդիրների պատճառով:
