Արտակարգ պատահար Կոտայքի մարզում. բնակիչն առավոտյան ոչխարներին հոշոտված է գտել
Կոտայքի մարզի Քանաքեռավան գյուղի բնակիչ Մուրադ Օզմանյանն առավոտյան ոչխաների մի մասը վնասված ու հոշոտված է գտել: Ոչխարները ոչ թե անասնագոմում են պահվում, այլ տնից բավական հեռու` ցանցով առանձնացված տարածքում: Երբ է դեպքը տեղի ունեցել, չի կարող ասել: Ականատեսներ չկան: Չգիտի նաև, վայրի շները, թե գայլներն են հոշոտել ոչխաներին: Ընդհանուր առմամբ, 130 ոչխար ունի, որից 5-ը վնասված է, 15-ը` հոշոտված:
Վերջին երեք տարում այս գյուղում նման դեպք չէր եղել:
Դեպքի մասին տղամարդը Քանաքեռավանի գյուղապետին է տեղեկացրել: Գյուղապետարանում կարծում են` վայրի շներն են ոչխարները հոշոտել: Բնակիչները պատասխանատուների ուշադրությունն են հրավիրում խնդրի վրա, խնդրում են հարցը լուծել, որ նման դեպքեր այլևս չկրկնվեն:
