Մարտակերտի բնակիչը մարտական նռնակի պայթեցմամբ կատարել է սպանություն          Մենք վաղուց գիտենք Ռուսաստանի գործողությունների մասին, ես չեմ ճանաչում ոչ մեկի «կարմիր գծերը» Ուկրաինայի հարցում       Ներկայումս Նիկոլի ձեռքից իշխանությունն ավելի շուտ կարող են վերցնել իր թիմի ներսից, օրինակ՝Խաչատուր Սուքիասյանը    

19 օգոս 2019 19:07

Կինոյի տղան, կամ փնտրված տղամարդը

Կինոյի տղան, կամ փնտրված տղամարդը
-Ալիսա` ասա, ի՞նչ հարց էիր տալու, Լավրովը տրամադրությունս ահագին բարձրացրեց, ուզում են հետս հարաբերությունները լավացնեն: Հեղափոխությանը գին են տալիս, իրենց մոտ իրավիճակ է փոխվել՝ հեղափոխության վտանգ կա:

-Տես դու արդեն վարչապետի աթոռին ես նստած, հաստատ մտածել էիր, որ այդ աթոռին նստես ի՞նչ ես անելու:

-Ժողովրդի սոցիալական վիճակը բարելավեմ:

-Սուտ:

-Արցախը միացնեմ Հայաստանին:

-Դետեկտորը կախվեց:

-Պատժեմ նախորդ իշխանություններին, կոռուպցիան վերացնեմ:

-Կիսասուտ:

-Իսկ, ինչու՞ կիսասուտ:

-Տես Նիկոլ, դու դեռ ուսուցիչներին, սոցապ աշխատողներին ես պատժում, մանր-մունր յոլա գնացողներին, մեկ էլ Քոչարյանին: 
Լևոնի ու Սերժի թիմերը ինչպես կային, էտպես էլ շարունակում են:

-Ես մարտի մեկը բացահայտեցի:

-Դու այն տանում ես փակուղի:

-Ապրիլյան քառօրյան բացահայտում եմ:

-Դա էլ ես մոռացության մատնելու:

-Գուցե ասես, որ Քոչարյանին վենդետա եմ անում:

-Դու վենդետա չես անում: Վենդետան այն կլիներ, եթե Քոչարյանը պապիդ սպանած լիներ, դու էլ նրա պապին սպանեիր:
 
Նիկոլ ժողովուրդը գիտես քեզ ինչու է դեռ հանդուրժում, որովհետև նրանք կարծում են, թե դու կինոյի տղան ես: Նրանց թվում է, թե դու էն տղամարդն ես, որ Քոչարյանն ասում էր՝ բա ուր է էն տղամարդը, թող գա... 

-Մի խոսքով՝ Էդմոն Մարուքյանն ու Նաիրա Զոհրաբյանը քիչ էին, հիմա էլ դու ես հետևիցս ընկել, մտքերդ լրիվ Նաիրայինն են, նրանից միայն տեսքով ես տարբերվում:

-Նիկոլ գիտեմ հեքիաթներ սիրում ես, Քաջ Նազարը անգիր ես արել…
 
Տես Քոչարյանը «Ալի Բաբան ու քառասուն ավազակներն» էր կարդացել՝ գանձերը վերցրեց, ավազակապետին սպանեց, ավազակներին էլ դարձրեց իր թիմակիցները: 
 
Սերժն էլ «Անխելք մարդն» էր կարդացել, որ գնում էր աստծու մոտ բախտ խնդրելու, ճանապարհին գայլին սպանեց, ծառի տակի ոսկիները հանեց, էնտեղ մի ջահել-ջիվան աղջիկ կար դրան էլ առավ ու աստծուն մոռացավ, Բադեն Բադենում բադ է լողացնում:
 
Այ, իսկ դու, եթե ժողովրդին տված խոստումներդ չկատարես, կարող է ոսկե ձկնիկի հեքիաթը, Հայկոյի հետ քաղաքապետարանում բեմականացնես:

—Ես իմ բոլոր խոստումները կատարելու եմ, բայց հայ ժողովրդին տված:

—Տես, դետեկտորը էլի կախվեց:

Hayacq.com-ի հումորային շարքից. Թիվ 4

Մեկնաբանություններ

Համընկնող լուրեր